Маскав гуфт, фиристодаҳои Вашингтон дар Осиёи Миёна чӣ ваъдаҳо медиҳанду нияташон чист

© Sputnik / Максим Блинов / Гузариш ба медиабонкЗдание Министерства иностранных дел РФ
Здание Министерства иностранных дел РФ  - Sputnik Тоҷикистон, 1920, 10.11.2022
Обуна шудан
Намояндаи ВУХ Русия аз ниятҳои Вашингтон барои ташкили инқилобҳои ранга ва ваъдааш ба кишварҳои Осиёи Марказӣ дар сурати риояи таҳримҳо алайҳи Маскав гуфт
ДУШАНБЕ, 10 ноя – Sputnik. ИМА талош барои таҳкими таъсираш ба кишварҳои Осиёи Марказиро густариш дода, азм дорад, давлатҳои минтақаро гапдарои худ созад. Сафарҳои афзояндаи мақомдорони амрикоӣ ба кишварҳои минтақа ҷой доранд, изҳор дошт сухангӯи вазорати хориҷаи Русия Мария Захарова.
Вай аз ҷумла аз талошҳои мақомдорони амрикоӣ барои водор сохтани кишварҳои минтақа ба иҷрои таҳримҳои роҳандозишуда алайҳи Русия гуфт.
"Давлатҳои минтақаро ба риояи таҳримҳои ғайриқонунии худ алайҳи кишвари мо ташвиқ мекунанд. Ин ба таври амрикоӣ, густохона сурат мегирад, дар мавриди фоидаҳое мегӯянд, ки гӯиё дар сурати риояи фармонҳои Вашингтон метавонанд ба даст оянд", - изҳор дошт ӯ.
Евгений Сысоев - Sputnik Тоҷикистон, 1920, 08.11.2022
Ҳушдори раҳбари Маркази зиддитеррористии ИДМ аз хатари ДОИШ* ва вазъи Афғонистон
Ба гуфтаи Захарова, фиристодаҳои амрикоӣ дар минтақа ваъдаҳое барои иштирок дар "лоиҳаҳои ояндадор" медиҳанд.
"Озмоиши демократисозӣ, ки Вашингтон барои он пулро ғанимат намедонаду замина барои инқилобҳои рангаро фароҳам оварда, ниятҳои некро вонамуд мекунанд, ҳадафи тобею гапдаро намудани кишварҳоро дорад", - гуфт ӯ.
Ин таъкидҳо дар ҳолеянд, ки қаблан низ раисҷумҳури Русия, Владимир Путин дар мулоқот бо амниятиҳои аршади кишварҳои минтақа аз зӯргӯиҳои кишварҳои ғарбӣ гуфт.
Шеваи фишору таҳдиду тарс дер боз дар қаламрави ИДМ низ истифода мешавад, қасд доранд, инқилобҳои ранга ташкил кунанд, низоъҳои мусаллаҳонаи хатарнок барои ҳамаи аъзои ИДМ-ро барангезанд, таъкид намуд ӯ.
Лентаи хабарҳо
0