Ҳавасмандии Тоҷикистон барои интиқоли мустақими маҳсулот ба Русия

© PixabayТорговый поезд с контейнерами
Торговый поезд с контейнерами - Sputnik Тоҷикистон, 1920, 15.11.2022
Обуна шудан
НовостиTelegram
Душанбе пешниҳоди Роҳҳои оҳани Русияро, ки интиқоли маҳсулоти зудвайроншавандаро тариқи хатсайрҳо зудтар интиқол диҳанд, баррасӣ дорад
ДУШАНБЕ, 15 ноя — Sputnik. Тоҷикистон ба лоиҳаи “Агроэкспресс” барои интиқоли мустақими меваю сабзавот ба Русия таваҷҷӯҳ кардааст.
Дар ин бора Ҷасурбек Чориев, муовини вазири нақлиёти Ӯзбекистон дар сӯҳбат бо хабаргузории РИА “Новости” хабар дод.
“Кишварҳои ҳамсояи мо, аз ҷумла Туркманистон ва Тоҷикистон таваҷҷуҳ зоҳир кардаанд”, - гуфт ӯ дар посух ба суоли рӯзноманигор дар бораи таваҷҷуҳи кишварҳои дигар ба ин тарҳ.
Чориев таъкид кард, ки "Агроэкспресс" як навъи хуби интиқоли маҳсулоти зудвайроншаванда аз кишварҳои Осиёи Марказӣ ба Русия мебошад. Вай афзуд, масъалаи аслӣ таъмини мол аст, то ин тарҳ иҷро шавад.
18-м заседании Межправкомиссии по экономическому сотрудничеству РФ и Таджикистан - Sputnik Тоҷикистон, 1920, 09.11.2022
Барои сармоягузории Русия ба иқтисоди Тоҷикистон имкониятҳои васеъ боз шудааст
Бояд гуфт, ки "Агроэкспресс" хадамоти вижаест, ки аз ҷониби “РЖД Логистика” ва Маркази содиротии Русия таъсис дода шудааст. Ҳадафи асосӣ он интиқоли маҳсулоти кишоварзӣ ба кишварҳои ИДМ, Чин ва Туркия мебошад.
Моҳи июни соли 2021 дар бораи роҳандозии хидматрасонӣ бо Uzagrologistics Centers шартнома ба имзо расид. Қатораи озмоишӣ аз тариқи Қазоқистон аз рӯи принсипи долони “сабз” моҳи ноябри ҳамон сол ба роҳ баромад.
Аз моҳи марти соли 2022 Тоҷикистон имкони пайвастан ба ин тарҳро баррасӣ дорад, аммо то ҳол санаи фиристодани қатори аввал маълум нест.
Лентаи хабарҳо
0