ВКХ иттиҳомоти зидди Русияву Эрон дар таъмини ҳавопаймоҳои бесарнишинро шарҳ дод

© Sputnik / Наталья Селиверстова / Гузариш ба медиабонкМинистерство иностранных дел России
Министерство иностранных дел России - Sputnik Тоҷикистон, 1920, 17.11.2022
Обуна шудан
Ғарб бинобар ноуҳдабароиву нотавонӣ дар иҷрои тарҳи БАРҶОМ Русия ва Эронро барои таъмини ҳавопаймоҳои бесарнишин муттаҳам мекунад
ДУШАНБЕ, 17 ноя — Sputnik. Кишварҳои ғарбӣ Русия ва Эронро муттаҳам мекунанд, ки гӯё дар таъмини ҳавопаймоҳои бесарнишин ҳамкорӣ мекунанд, то нокомии онҳо дар иҷрои тавофуқи ҳастаии Эрон (Нақшаи муштараки ҳамаҷонибаи амал дар бораи барномаи ҳастаии Эрон)-ро пинҳон кунанд.
Ғазаби онҳо аз он шаҳодат медиҳад, ки дар Иёлоти Муттаҳида ва Иттиҳоди Аврупо дар бораи сарнавишти ояндаи БАРҶОМ як раванди дарднок идома дорад,
Дар ин бора Сергей Вершинин, муовини вазири корҳои хориҷии Федератсияи Русия, дар мусоҳиба бо РИА "Новости" изҳор дошт.
"Ҳамаи ин танҳо як пардаи дуд нест, ки Ғарб қасдан барои пӯшонидани нотавонӣ дар таъмини иҷрои комили БАРҶОМ ва баргаштан ба ӯҳдадориҳои худ аз рӯи созиши ҳастаӣ эҷод мекунад",- гуфт дипломат.
Ба гуфтаи вай, Маскав таваҷҷуҳи Иёлоти Муттаҳида ва ширкаткунандагони аврупоии созиш, аз ҷумла Шӯрои Амнияти СММ-ро ба он ҷалб мекунад, ки "онҳо муваззафанд ба майдони ҳуқуқии қатъномаи 2231 Шӯрои Амнияти СММ баргарданд ва аз нақзи он даст кашанд".
Беспилотник в небе, архивное фото - Sputnik Тоҷикистон, 1920, 20.10.2022
Русия аз Эрон ҳавопаймоҳои бесарнишин гирифт ё на? посухи ВКХ
"Аз ҷониби худ, мо ҳеҷ гуна алтернативаи оқилона ба барқарорсозии БАРҶОМ-ро намебинем. Ҳама гуна нақшаҳои дигар як роҳи мустақими авҷ гирифтани шиддат бо оқибатҳои вазнин ва эҳтимолан бебозгашт барои амнияти байналмилалӣ ва вазъи бозорҳои ҷаҳонӣ мебошанд. СММ бояд инро дарк кунад ”, - хулоса кард ӯ.
Кишварҳои ғарбӣ иддао доранд, ки гӯё Эрон дар ҳоли ҳозир ба Русия ҳавопаймоҳои бесарнишинро барои амалиёти низомӣ дар Украина таъмин мекунад. Маскав ва Теҳрон чунин иттиҳомотро рад карданд.
Вазири умури хориҷии Эрон Ҳусейн Амир Абдуллоҳиён гуфт, ки Теҳрон чанд моҳ пеш аз оғози амалиёти вижа дар Украина ба Федератсияи Русия ҳавопаймоҳои бесарнишин додааст, на дар даврони амалиёт.
Лентаи хабарҳо
0