Расонаҳо: миёни ҳалокшудаҳо дар сӯхтори Маскав шаҳрванди Тоҷикистон низ ҳаст

Пожар в Москве - Sputnik Тоҷикистон, 1920, 21.11.2022
Обуна шудан
НовостиTelegram
Барои шиносоии ҷасади қурбониёни сӯхтор дар анбори гулҳо дар майдони Комсомоли шаҳри Маскав ташхиси додгоҳию тиббӣ таъйин хоҳад шуд
ДУШАНБЕ, 21 ноя — Sputnik. Миёни қурбониёни сӯхтор дар Маскав 6 шаҳрванди Русия ва 1 шаҳрванди Тоҷикистон аст, хабар дод РИА "Новости" аз қавли намояндаи хадамоти изтирории пойтахти Русия.
"Дар миёни ҳалокшудагон, тибқи маълумоти пешакӣ, 6 шаҳрванди Русия ва як шаҳрванди Тоҷикистон мебошанд", - гуфт манбаъ.
Вай афзудаст, барои шиносоии ҷасади кушташудаҳо ташхиси судиву тиббӣ таъйин хоҳад шуд.
Қаблан хадамоти изтирории Маскав гуфтанд, наҷотдиҳандагон тавонистаанд 7 нафарро аз бинои оташгирифта сиҳат берун оранд, ки аз бистарӣ шудан худдорӣ карданд.
Пожар в Москве  - Sputnik Тоҷикистон, 1920, 21.11.2022
Афзоиши қурбониён: Тафсилоти сӯхтори анбори гулҳо дар Маскав
Тибқи иттилои аввалия аз сабабҳои сӯхтор дар майдони Комсомол метавонист, нигоҳдории нодурусти мол ва нақзи қоидаҳои бехатарии сӯхтор бошад. Феълан мақомоти тафтишотӣ таҳқиқи ҷузъиёти қазияро оғоз кардаанд. Таъкид мешавад, ки эҳтимол шабакаҳои барқӣ дар анбор дар ҳолати садамавӣ қарор доштаанд.
Мақомоти тафтишотӣ аз барои марги шаҳрвандон низ дар ин ҳодиса парвандаи ҷиноӣ боз кардаанд.
Ба иттилои Вазорати ҳолатҳои изтирории Русия, сӯхтори анбори гулҳо баъди зуҳри 20 ноябр дар масоҳати 2,5 ҳазор метри мураббаъ доман густурда, аллакай баъд аз нӯҳ соат оташ пурра хомӯш карда шуд. Ба ин сӯхтор дараҷаи баланди душворӣ нисбат дода шуд.
Лентаи хабарҳо
0