То иҷрои нақшаи ҷамъоварии пахта дар Тоҷикистон 33 ҳазор тоннаи дигар мондаст

© AFP 2022 / STR / AFPХлопок, архивное фото
Хлопок, архивное фото - Sputnik Тоҷикистон, 1920, 21.11.2022
Обуна шудан
НовостиTelegram
Пахта аз маҳсулоти асосии кишоварзӣ дар Тоҷикистон ба шумор меравад, ки бар асоси дурнамо соли равон ҷамъоварии 425 ҳазор тоннаи он дар нақша аст
ДУШАНБЕ, 21 ноя — Sputnik. Ҷамъоварии ҳосили пахта дар навоҳии Тоҷикистон ба ҳолати 18 ноябр наздики 492 ҳазор тоннаро ташкил додааст.
Дар ин бора Вазорати кишоварзии Тоҷикистон хабар дода, афзуд, ки ҳаҷми ҷамъоваришудаи пахта дар қиёс бо ҳамин давраи соли гузашта беш аз 5,3 ҳазор тонна зиёдтар аст.
Бар асоси омори ироанамудаи ин ниҳод то иҷрои нақшаи ҷамъоварӣ, пахтакоронро зарур аст, ки 33 ҳазор тоннаи дигар "тилои сафед" ғундоранд. Тибқи дурнамо дар назар аст, ки дар ҷумҳурӣ соли равон 425 ҳазор тонна пахта ҷамъоварӣ шавад.
Работа грузового контейнерного терминала - Sputnik Тоҷикистон, 1920, 16.10.2022
Тоҷикистон чӣ қадар молро аз Ӯзбекистон харид?
Дар маҷмуъ бар асоси маълумоти Раёсати растанипарварии вазорат дар шаҳру ноҳияҳои ҷумҳурӣ дар майдони 181,5 ҳазор гектар пахта корида шудаст, ки аз ин ба вилояти Суғд - 57,1 ҳазор гектар, дар вилояти Хатлон - 121,6 ҳазор гектар ва дар ноҳияҳои тобеи ҷумҳурӣ 2,6 ҳазор гектар рост меояд.
Ба ҳолати охири ҳафтаи гузашта дар вилояти Хатлон 268,7 ҳазор тонна, вилояти Суғд 117,6 ҳазор тонна ва НТҶ зиёда аз 5 ҳазор тонна пахта ҷамъоварӣ гардидаст.
Маврид ба зикр аст, ки дар Тоҷикистон пахта аз маҳсулоти асосии кишвоварзии Тоҷикистон мебошад, ки ба хориҷи кишвар содир мегардаду то чанд соли қабл дар баробари алюминий аз маҳсулоти асосии содиротии ҷумҳурӣ ба шумор мерафт.
Масъулин мегӯянд, арзиши кишти пахта дар ҷумҳурӣ соли равон ба далели боло рафтани нархи сӯзишворӣ ва нуриҳои минералӣ гаронтар афтид.
Лентаи хабарҳо
0