Даргузашти ногаҳонии вазири корҳои хориҷии Белорус

© Пресс-служба МИД РФ / Гузариш ба медиабонкМинистр иностранных дел Белоруссии Владимир Макей
Министр иностранных дел Белоруссии Владимир Макей  - Sputnik Тоҷикистон, 1920, 26.11.2022
Обуна шудан
НовостиTelegram
Ҳеч осору нишони баде надошт, изҳор дошт сухангӯи Вазорати умури хориҷии Белорус. Вазир дар нақша музокирот бо ҳамтои русиягӣ доштаст
ДУШАНБЕ, 26 ноя – Sputnik. Вазири умури хориҷи Беларус, Владимир Макей ба таври ногаҳонӣ дар соли 65-уми ҳаёташ даргузаштаст.
Дар ин бора хабаргузории Sputnik Белорус бо такя ба котиби матбуотии Вазорати корҳои хориҷии Белорус, Анатолий Глаз хабар додааст. Аммо дар бораи сабаби марг то ҳол иттилое ироа нашудааст.

"Ӯ чанд соат пеш ногаҳон даргузашт. Ҳеч нишони баде набуд. Талафоти бузург барои ҳамаи мост", - тасдиқ кардаст сухангӯи вазорати хориҷа.

Марги нобаҳангом дар ҳоле расидаст, ки Макей барои оғози ҳафтаи оянда музокирот бо ҳамтои русиягияш, Сергей Лавров дар нақша доштаст.
Макей аз соли 1993 дар хизмати дипломатӣ қарор дорад. Арбоби давлатӣ аз августи соли 2012 дар вазифаи вазири корҳои хориҷӣ кор мекард.
Марҳум аз соли 2000-ум то 2008 ёвари президенти Белорус буда, 4 соли баъдӣ то соли 2012-ум роҳбари Дастгоҳи президенти Белорус буд. Моҳи августи соли 2012 дар мақоми вазири корҳои хориҷӣ таъйин шуда, то дами марг дар ин вазифа буд.
Мужчина молится на кладбище - Sputnik Тоҷикистон, 1920, 26.08.2022
Масъуд Собиров даргузашт
Дар ҳолномаи Макей омадаст, ки 5 августи соли 1958 дар деҳаи Некрашевичи вилояти Гроднои Белоруссияи шӯравӣ таваллуд шудааст.
Донишкадаи давлатии омӯзгории забонҳои хориҷии Минскро хатм карда, пас аз хатми таҳсил дувоздаҳ сол дар сафи артиши Шӯравӣ хидмат карда, бо рутбаи полковники эҳтиётӣ ба нафақа баромад.
Вай ҳамчунин дар Академияи дипломатии Вазорати корҳои хориҷии Австрия таҳсил кардааст.
Макей дар издивоҷи дуюмаш бо ҳунарпеша Вера Полякова буд. Вай 3 фарзанд - ду писар ва як духтар дорад.
Лентаи хабарҳо
0