Тағйироти кадрӣ дар соҳаи маориф: Киҳо вазифа гирифтанд?

Портфель, архивное фото - Sputnik Тоҷикистон, 1920, 27.11.2022
Обуна шудан
НовостиTelegram
Эксклюзив
Вазири маориф ва илми Тоҷикистон ва ректори Донишгоҳи давлатии Хуҷанд ба номи академик Бобоҷон Ғафуров дар ин муассисаи таълимӣ тағйироти кадрӣ анҷом доданд
ДУШАНБЕ, 27 ноя – Sputnik. Ноиби ректор дар бахши тарбия ва деканҳои 7 факултаи Донишгоҳи давлатии Хуҷанд иваз шудаанд, хабар доданд аз ин муассиса ба Sputnik Тоҷикистон.
Ба иттилои манбаъ, бо фармони ректори донишгоҳ, Замира Улмасова - декани факултаи филология тоҷик, Малоҳат Усмонова - декани факултаи забонҳои хориҷӣ, Даврон Усмонов - декани факултаи таҳсилоти ибтидоӣ ва педагогикаи махсус, Музаффар Дадобоев - декани факултаи география ва туризм таъйин шуданд.
Ҳамчунин Сироҷиддин Ҳакимов мақоми декани факултаи биология ва химия, Хушбахт Нуруллоев вазифаи декани факултаи телекоммуникатсия ва технологияи иттилоотӣ ва Муқаддас Неъматова мақоми декани факултаи муҳандисӣ – омӯзгории ДДХ, воқеъ дар ноҳия Ҷаббор Расуловро гирифтаанд.
Представительство Россотрудничества в Таджикистане организовало «Большой этнографический диктант»  - Sputnik Тоҷикистон, 1920, 01.06.2022
Дар Хуҷанд факултаи рӯзноманигорӣ таъсис мешавад
Инчунин бо пешниҳоди ректори донишгоҳ ва фармони вазири маориф, Мирзотоҳир Набиев, ноиби ректори ДДХ оид ба тарбия таъйин шудааст.
Маврид ба зикр аст, ки ин вазифа баъди ректор таъйин шудани Аюб Усмонзода, чанд вақт ба ин тараф холӣ монда буд.
Таъйини барканории деканҳо бо фармони ректор ва дар мувоифқа бо вазири маориф сурат мегирад.
Донишгоҳи давлатии Хуҷанд ба номи академик Бобоҷон Ғафуров (собиқ Институти педагогии ба номи С.М. Киров) 18 факулта ва як Коллеҷи омӯзгорӣ дошта, бузургтарин мактаби олӣ дар шимоли Тоҷикистон ба ҳисоб меравад.
Лентаи хабарҳо
0