Таҳдиди ҳабси дусолаю даҳҳо ҳазор сомонӣ ҷарима: боздошти боз 2 ҷавон бо маводи тарфгарӣ

© Sputnik / Николай Хижняк / Гузариш ба медиабонкПродажа пиротехники в Краснодаре
Продажа пиротехники в Краснодаре - Sputnik Тоҷикистон, 1920, 05.12.2022
Обуна шудан
НовостиTelegram
Бо вуҷуди даъвати мақомоти Тоҷикистон барои худдории шаҳрвандон аз муомилоти ғайриқонунии маводи тарфгарӣ, ҳолатҳои қонуншиканӣ ҳанӯз ҳам сабт мешаванд
ДУШАНБЕ, 5 дек — Sputnik. Маъмурини милиса ду нафар - навраси 17-сола ва ҷавони 25-сола, сокинони шаҳри Ҳисорро ҳамчун гумонбар дар муомилоти ғайриқонунии маводи тарфгарӣ дастгир кардаанд.
Дар ин бора Вазорати умури дохилии Тоҷикистон бо нашри як иттилоия хабар дода, афзуд, ки ҳангоми азназаргузаронии автомашинаи тамғаи "Нексия" аз дохили бағоҷ 50 ҳазор дона маводи тарфгарии тамғаи "Трения" дарёфт ва гирифта шуд. Таъкид гардидааст, ки феълан аз рӯи ин ҳодиса тафтишот идома дорад.
Ахиран мақомоти умури дохилии Тоҷикистон, аз шаҳрвандон махсусан, ҷавонону наврасон хост, бо истифода аз маводи тарфгарӣ дар рӯзҳои таҷлили Соли нави мелодӣ оромии сокинонро халалдор накунанд.
Новогодняя елка на столичной площадке Истиклол - Sputnik Тоҷикистон, 1920, 27.11.2022
Дархости ВУД аз ҷавонону наврасони тоҷик: оромиро дар Соли нав халалдор накунед
Мақомоти умури дохилии Тоҷикистон мегӯянд, гарчанде харидуфурӯши маводи тарфгарӣ - "пиротехникӣ-хлопушка" манъ бошад ҳам, садои гӯшхароши он бо фарорасии Соли Нав зиёд шунида мешавад.
Мақомот далели ин ҳолатро дар он мегӯянд, ки баъзе аз тоҷирон манфиатҳои шахсии худро аз талаботи қонунгузорӣ боло шуморида, ғайриқонунӣ маводи тарфгарӣ ворид ва паҳн месозанд.
Қонунгузории Тоҷикистон барои муомилоти ғайриқонунии маводи тарфгарӣ ҷарима аз 100 то 200 нишондиҳанда барои ҳисобҳоро пешбинӣ кардааст. Як нишондиҳанда феълан дар Тоҷикистон муодили 64 сомонӣ мебошад.
Барои муомилот дар ҳаҷми калон ҷарима аз 200 то 500 нишондиҳанда барои ҳисобҳо ё аз 1 то 2 соли зиндон ҷазо муқаррар шудааст.
Лентаи хабарҳо
0