https://sputnik.tj/20221207/vmkb-naqsha-davat-navaskaron-mirzonabot-1053351813.html
ВМКБ нақшаи даъвати наваскаронро дар 1 рӯз иҷро кард: Мирзонабот аз чӣ норозист?
ВМКБ нақшаи даъвати наваскаронро дар 1 рӯз иҷро кард: Мирзонабот аз чӣ норозист?
Sputnik Тоҷикистон
Дар ҷаласаи назди раиси Вилояти Мухтори Куҳистони Бадахшон натиҷаҳои даъвати тирамоҳии ҷавонон ба хизмати ҳарбӣ мавриди баррасӣ қарор дода шуданд
2022-12-07T19:50+0500
2022-12-07T19:50+0500
2022-12-07T19:50+0500
дар тоҷикистон
артиш
алишер мирзонабот
вмкб
https://cdnn1.img.sputnik.tj/img/07e5/0b/07/1043304109_5:0:960:537_1920x0_80_0_0_acb33a7e5236fa201a02ca464469eb12.jpg
ДУШАНБЕ, 7 дек - Sputnik. Дар даъвати тирамоҳии ҷавонон ба хизмати ҳарбӣ дар соли равон дар Вилояти Мухтори Куҳистони Бадахшон, ки нақша дар як рӯз беш аз 100% иҷро шуд, бархе камбудиҳо низ ҷой доштаанд. Ин нукта зимни ҷаласаи ҷамъбастии даъвати тирамоҳӣ дар назди раиси ВМКБ, Алишер Мирзонабот таъкид шудааст. Муовини раиси ВМКБ ва ҳамзамон раиси комиссияи даъвати вилоятӣ, Умедҷон Носирзода, гузориш додаст, ки комиссариатҳои ҳарбии шаҳри Хоруғ ва ноҳияҳои вилоят дар даъвати тирамоҳии соли 2022 нақшаи даъватро дар як рӯз ба андозаи 100.3% иҷро намуданд. Носирзода таъкид намудаст, ки гарчанде нақшаи даъват иҷро шуда бошад ҳам, дар фаъолияти комиссияҳои даъватӣ, комиссариатҳои ҳарбӣ ва дигар мақомотҳои дахлдор камбудиҳо низ ҷой доштанд, ки ислоҳи онҳо дар даъватҳои минбаъда ба манфиати кор хоҳад буд. Ба иттилои дафтари матбуоти ҳукумати ВМКБ, раиси вилоят Алишер Мирзонабот низ барои ислоҳи камбудиҳои ҷойдошта ба масъулин супоришҳо додаст. Вай аз он эрод гирифтаст, ки баъзе комиссариатҳои ҳарбӣ баъди баромадани фармони президент корро сар мекунанд, ки ин ба сифатнок иҷро гардидани нақшаи даъват монеа эҷод мекунад. "Зикр шуд, ки даъват ба сафи Қувваҳои Мусаллаҳи Ҷумҳурии Тоҷикистон маъракаи муҳими сиёсӣ буда, дар ин самт масъулин бояд аз ҳозир захираи сафарбариро муайян ва корбарӣ намоянд", - омадааст дар иттилоия. Алишер Мирзонабот дар назди масъулини дахлдор ҷиҳати омодагӣ ба даъвати баҳории ҷавонписарон ба сафи артиш вазифаҳои навбатӣ гузошта, бархе аз фаъолони даъвати тирамоҳиро ифтихорномаҳою медали 75-солагии Рӯзи Ғалаба қадр кардаст.
https://sputnik.tj/20221201/tojikiston-maraka-davat-khizmat-harbi-anjom-1053195615.html
вмкб
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
раис, вмкб, камбудӣ, даъват, тирамоҳӣ
раис, вмкб, камбудӣ, даъват, тирамоҳӣ
ВМКБ нақшаи даъвати наваскаронро дар 1 рӯз иҷро кард: Мирзонабот аз чӣ норозист?
Дар ҷаласаи назди раиси Вилояти Мухтори Куҳистони Бадахшон натиҷаҳои даъвати тирамоҳии ҷавонон ба хизмати ҳарбӣ мавриди баррасӣ қарор дода шуданд
ДУШАНБЕ, 7 дек - Sputnik. Дар даъвати тирамоҳии ҷавонон ба хизмати ҳарбӣ дар соли равон дар Вилояти Мухтори Куҳистони Бадахшон, ки нақша дар як рӯз беш аз 100% иҷро шуд, бархе камбудиҳо низ ҷой доштаанд.
Ин нукта зимни ҷаласаи ҷамъбастии даъвати тирамоҳӣ дар назди раиси ВМКБ, Алишер Мирзонабот таъкид шудааст.
Муовини раиси ВМКБ ва ҳамзамон раиси комиссияи даъвати вилоятӣ, Умедҷон Носирзода, гузориш додаст, ки комиссариатҳои ҳарбии шаҳри Хоруғ ва ноҳияҳои вилоят дар даъвати тирамоҳии соли 2022 нақшаи даъватро дар як рӯз ба андозаи 100.3% иҷро намуданд.
Носирзода таъкид намудаст, ки гарчанде нақшаи даъват иҷро шуда бошад ҳам, дар фаъолияти комиссияҳои даъватӣ, комиссариатҳои ҳарбӣ ва дигар мақомотҳои дахлдор камбудиҳо низ ҷой доштанд, ки ислоҳи онҳо дар даъватҳои минбаъда ба манфиати кор хоҳад буд.
Ба иттилои дафтари матбуоти ҳукумати ВМКБ, раиси вилоят Алишер Мирзонабот низ барои ислоҳи камбудиҳои ҷойдошта ба масъулин супоришҳо додаст.
Вай аз он эрод гирифтаст, ки баъзе комиссариатҳои ҳарбӣ баъди баромадани фармони президент корро сар мекунанд, ки ин ба сифатнок иҷро гардидани нақшаи даъват монеа эҷод мекунад.
"Зикр шуд, ки даъват ба сафи Қувваҳои Мусаллаҳи Ҷумҳурии Тоҷикистон маъракаи муҳими сиёсӣ буда, дар ин самт масъулин бояд аз ҳозир захираи сафарбариро муайян ва корбарӣ намоянд", - омадааст дар иттилоия.
Алишер Мирзонабот дар назди масъулини дахлдор ҷиҳати омодагӣ ба даъвати баҳории ҷавонписарон ба сафи артиш вазифаҳои навбатӣ гузошта, бархе аз фаъолони даъвати тирамоҳиро ифтихорномаҳою медали 75-солагии Рӯзи Ғалаба қадр кардаст.
