Президент оқибати бади суръати пасту нархи баланди интернет дар Тоҷикистонро гуфт

Дата-центр, архивное фото - Sputnik Тоҷикистон, 1920, 23.12.2022
Обуна шудан
НовостиTelegram
Президенти Тоҷикистон аз вазъи соҳаи алоқа дар ҷумҳурӣ, аз ҷумла суръат ва нархи интернет изҳори норозигӣ кард, ки садди рушди бархе бахшҳо мешавад
ДУШАНБЕ, 23 дек - Sputnik. Таъмин намудани суръати баланди интернет ва дастрас будани нархи он барои рушди иқтисоди рақамӣ, зеҳни сунъӣ, таъмин намудани амнияти иттилоотӣ, ҷалби сармоя ва ташкили паркҳои технологиву инноватсионӣ зарур мебошад.
Ин нуктаро раисҷумҳури Тоҷикистон, Эмомалӣ Раҳмон зимни ироаи паём ба парлумон баён дошт.
Ӯ изҳор дошт, ки ҳоло дар кишвар шумораи муштариёни интернет ба 4,5 млн расидааст, ки ба 100 нафар аҳолӣ 45 муштарӣ рост меояд. Вале таъкид менамоям, ки суръат ва арзиши интернет ҳанӯз қонеъкунанда нест, афзуд Раҳмон.
Дар ин робита президенти Тоҷикистон Хадамоти алоқаро муваззаф кард, ки якҷо бо ширкатҳои соҳа барои беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет чораандешӣ кунанд.
Выступление Рахмона перед парламентом страны 2022 год - Sputnik Тоҷикистон, 1920, 23.12.2022
Паёми президенти Тоҷикистон ба парлумон - видео
Роҳбари давлат дастрас гардонидани интернети баландсуръат дар тамоми минтақаҳои кишвар, аз ҷумла шаҳру ноҳияҳои дурдастро муҳим арзёбӣ намуд.
Ба гуфтаи Эмомалӣ Раҳмон сайёҳон низ аксаран ба он маконҳое мераванд, ки суръати баланди интернет фароҳам аст.
Аз ҷумла даъват кард, ки заминаи муосири ҳуқуқӣ барои ҳалли масъалаҳои зикршуда фароҳам гардад.
Мақомот муваззаф шуданд, ки бо назардошти пешравию таҳаввулоти соҳа дар миқёси ҷаҳон қонуни Тоҷикистон "Дар бораи алоқаи барқӣ"-ро дар таҳрири нав таҳия ва пешниҳод намоянд.
Лентаи хабарҳо
0