Оғози сол бе роҳбандӣ: IRS ҳолати роҳи Душанбе - Чаноқро шарҳ дод

© Дафтари матбуоти ширкати IRSБарфрӯбӣ дар масири Душанбе - Чаноқ
Барфрӯбӣ дар масири Душанбе - Чаноқ - Sputnik Тоҷикистон, 1920, 01.01.2023
Обуна шудан
Ширкат, ки ба ҷамъоварии маблағ ва нигоҳдории роҳи пулакии Душанбе - Чаноқ машғул мебошад, аз ронандагон бо омодагиҳо ба роҳ бароянд
ДУШАНБЕ, 1 янв — Sputnik. Рӯзи аввали соли 2023 дар масири Душанбе - Чаноқ ягон маҳдудияти ҳаракат роҳандозӣ нашудааст, хабар дод ширкати IRS.
Ба иттилои манбаъ, новобаста аз бориши пуршиддату давомдори барф, роҳи Душанбе - Чаноқ кушода буда, ҳаракати тамоми нақлиёт таъмин аст.
Ин дар ҳолест, ки рӯзи дуюм аст, ки ширкати мазкур аз бориши барф дар ин масир хабар медиҳад. Рӯз қабл иттилоъ дода шуд, ки аз километри 18 то километри 160- уми роҳи Душанбе - Чаноқ бориши пуршиддати барф сурат гирифта истодааст.
Рӯзи 31 декабр бо мақсади эҷод накардани монеа ба ҳаракати дигар воситаҳои нақлиёт, гузариши фура ва автомобилҳои боркаши ядакдор муваққатан маҳдуд шуда буд.
Первый снег в Душанбе - Sputnik Тоҷикистон, 1920, 31.12.2022
Обуҳавошиносони тоҷик иштибоҳ карданд: Дар Душанбе барфи солинавӣ борид
Ширкат аз ронандагон даъват намудаст, ки пеш аз сафар ҳатман ба ҳолати техникии автомобилҳояшон, аз ҷумла ба талаботи хоси мавсими сармо таваҷҷуҳ зоҳир намоянд, то зимни сафар ба мушкил мувоҷеҳ нагарданд. Ҳангоми ҳаракат дар ин шоҳроҳ эҳтиёткор бошанд ва қоидаҳои ҳаракатро риоя кунанд ва ба ҳамдигар эҳтиром гузоранд.
Дар мавриди омодагиҳои худи ин ширкат иттилоъ дода шудаст, ки дар намояндагии Варзоб 44 адад техникаву механизми барои ин мавсим пешбинишуда, дар намояндагии Зарафшон 31 техникаи махсус ва дар намояндагии Суғд 43 адад техника барои фасли зимистон омода мебошанд.
Лентаи хабарҳо
0