Раҳмону Тоқаев тамоюли рушди шарикии стратегии Тоҷикистону Қазоқистонро баррасӣ карданд

© Пресс-служба президента Республики ТаджикистанПрезидент Касым-Жомарт Токаев и Президент Таджикистана Эмомали Рахмон
Президент Касым-Жомарт Токаев и Президент Таджикистана Эмомали Рахмон - Sputnik Тоҷикистон, 1920, 07.01.2023
Обуна шудан
НовостиTelegram
Роҳбари Қазоқистону Тоҷикистон дар барқияҳои табрикоти ва занги телефонӣ муносибатҳои дуҷонибаро, ки бар пояи анъанаҳои неки дӯстӣ асос ёфтаанд, баррасӣ карданд
ДУШАНБЕ, 7 янв — Sputnik. Президенти Тоҷикистон Эмомалӣ Раҳмон бо ҳамтои қазоқаш Қосим–Жомарт Токаев суҳбати телефонӣ дошт, иттилоъ додааст дафтӣари матбуоти раисҷумҳур.
Сарони ду давлат як дигарро ба муносибати 30-солагии истиқрори муносибатҳои дипломатӣ миёни Тоҷикистон ва Қазоқистон табрик намуданд.
Роҳбарони ду давлат аз муносибатҳои дуҷониба изҳори қаноатмандӣ карданд.
Ҷонибҳо тамоюли рушди афзояндаи шарикии стратегии Тоҷикистону Қазоқистонро дар соҳаҳои сиёсӣ, тиҷоративу иқтисодӣ ва фарҳангиву гуманитарӣ, ҳамчунин ҳамкории зичи ҷонибҳоро дар арсаи амниятӣ ва дар чорчӯби созмонҳои байналмилалӣ баланд арзёбӣ намуданд.
“Қазоқистон яке аз шарикони асосии тиҷоратии Тоҷикистон маҳсуб меёбад. Ҳиссаи он дар тиҷорати хориҷии кишвари мо аз рӯи натиҷаҳои 11 моҳи соли сипаришуда 19,6 фоизро ташкил медиҳад”, - иттилоъ додаааст манбаъ.
Роҳбарони Тоҷикистон ва Қазоқистон роҳҳои тавсеаи минбаъдаи робитаҳои гуногунҷанбаи ду кишварро, пеш аз ҳама тавассути ғанӣ гардонидани ҳамкории амалӣ бо мазмуну мӯҳтавои мушаххас, мавриди баррасӣ қарор доданд.
Министерство иностранных дел Таджикистана в Душанбе - Sputnik Тоҷикистон, 1920, 06.01.2023
Душанбе даст доштани тоҷикистониҳоро дар ошӯбҳои Қазоқистон рад кард
Ҳамзамон чанде пеш мубодилаи барқияҳои табрикотии Эмомалӣ Раҳмон ва Қосим-Ҷомарт Тоқаев сурат гирифт.
Эмомалӣ Раҳмон дар барқияи табрикотиаш қайд кард, ки Тоҷикистон натиҷаҳоеро, ки ду кишвар тӯли ин давра дар роҳи таҳкиму тавсеаи робитаҳои дӯстӣ ба даст овардаанд, хеле арзишманд медонад.
“Дар ин зимн асосҳои боэътимоди шартномавию ҳуқуқӣ ва василаҳои муассири танзими ҳамкории байнидавлатӣ ба вуҷуд оварда шудаанд. Боиси хушнудист, ки муносибатҳои ҳамкории мо бо такя ба ин заминаи мустаҳкам ва усулҳои халалнопазири эътимоду эҳтироми якдигарӣ ва шарикии стратегӣ имрӯзҳо дар ҳамаи самтҳо бо суръати баланд рушд ёфта истодаанд”,- таъкид кардааст Раҳмон.
Кишвардори Тоҷикистон боварӣ доштааст, ки Тоҷикистону Қазоқистон мутобиқ ба манфиатҳои аслии мардумонамон минбаъд низ барои ба сатҳи боз ҳам баландтар баровардани ҳамкориҳои амалии мутаносибан судманди ҷонибҳо саъю талоши муштарак хоҳанд кард
Имзои созишномаи ҳамкорӣ миёни Тоҷикистону Қазоқистон дар бахши тандурустӣ - Sputnik Тоҷикистон, 1920, 16.12.2022
Имзои созишномаи ҳамкорӣ миёни Тоҷикистону Қазоқистон дар бахши тандурустӣ
Дар навбати худ кишвардори Қазоқистон дар барқияи худ қайд карда буд, ки дар тӯли солҳои сипаришуда ду кишвар робитаҳои байнидавлатии гуногунҷанба ва мутаносибан судмандро роҳандозӣ намудаанд, ки дар рӯҳияи шарикии воқеан стратегӣ бемайлон таҳким ёфта истодаанд.
“Муколамаи ошкорову боэътимод дар ҳамаи сатҳҳо, рушди босуръати ҳамкорӣ дар соҳаҳои тиҷоративу иқтисодӣ ва фарҳангиву гуманитарӣ, ҳамчунин, ҳамкориҳои бомуваффақияти ду кишвар дар арсаи байналмилалӣ далели ин гуфтаҳо мебошанд”, қайд кардааст Тоқаев.
Вай илова кард, ки марҳалаи навро дар таърихи муносибатҳои дуҷонибаи ду кишвар ҳусни оғоз бахшида, Қазоқистон омодаи кори зичи муштарак бо Тоҷикистон барои ба сатҳи боз ҳам баландтар баровардани ҳамкории ду кишвар аст.
Лентаи хабарҳо
0