Дар 10 рӯзи охир дар Суғд чанд нафар ба бемории роҳи нафас гирифтор шуданд?: Омори мақомот

© Sputnik / Кирилл Брага / Гузариш ба медиабонкВакцинация от коронавируса
Вакцинация от коронавируса - Sputnik Тоҷикистон, 1920, 10.01.2023
Обуна шудан
Масъулони Идораи беҳдошти вилояти Суғд ахиран омори сироятёбии сокинон ба бемориҳои шадиди роҳи нафасро дар вилоят шарҳ доданд
ДУШАНБЕ, 10 янв – Sputnik. Назар ба рӯзҳои аввали фасли сармо, омори гирифтории сокинон ба ин беморӣ тамоюли поёнравӣ дорад, гуфт муовини сардори Маркази назорати давлатии санитарию эпидемиологии Суғд Маҷнун Орипов, дар суҳбат ба Sputnik Тоҷикистон.
Бино ба иттилоъи ӯ, давоми як ҳафтаи аввали соли ҷорӣ 962 мавриди сироятёбии сокинон ба бемориҳои роҳи нафас сабт шудааст, ки ин рақам дар муқоиса ба ҳафтаҳои қаблӣ бист ҳолат кам будааст.
“Аз санаи 31 декабри соли 2022 то санаи 6 январи соли 2023, 962 ҳолати сироятёбӣ сабт шудааст. Рӯзҳо 23 – 30 декабри соли 2022, омори гирифторшавӣ ба 982 баробар буд ва аз ин шумор 640 нафар кӯдакони то 14 сола сабт шудаанд” – гуфт, масъули Идораи беҳдоштӣ.
Баргузории Шӯрои машваратии назди Раиси вилояти Суғд оид ба беҳтар кардани вазъи соҳибкорию сармоягузорӣ - Sputnik Тоҷикистон, 1920, 28.12.2022
Дар Суғд ҳамагӣ 12 маъюбу иштирокчиёни Ҷанги Бузурги Ватанӣ боқӣ мондааст
Табибон хуруҷи афзояндаи бемориҳои шадиди роҳҳои нафасро мавсимӣ дониста, онро аз фаъол ва паҳншавии вирусҳо дар фасли сармо маънидод мекунанд.
Бино ба омори Маркази назорати давлатии санитарию эпидемиологнии Суғд давоми соли 2022 дар ҳудуди ин вилоят 26, 5 ҳазор нафар ба ин беморӣ сироят шудаанд. Беш аз 80 % и ин теъдод кӯдакони то 14 сола будаанд.
Лентаи хабарҳо
0