https://sputnik.tj/20231129/moskvagiho-muhojiron-oyanda-kist-1060641937.html
Москвагиҳо ва муҳоҷирон: оянда аз кист?
Москвагиҳо ва муҳоҷирон: оянда аз кист?
Sputnik Тоҷикистон
Москвагиҳо новобаста аз он, ки ба муҳоҷирон муносибати интиқодӣ доранд, дар мавриди арзишҳо ва анъанаҳои муайян бояд аз онҳо сабақ омӯзанд.
2023-11-29T12:02+0500
2023-11-29T12:02+0500
2023-11-30T12:22+0500
русия
осиёи марказӣ
муҳоҷирони корӣ
назарсанҷӣ
сутуннигор
сиёсат
https://cdnn1.img.sputnik.tj/img/07e6/02/03/1045444889_0:186:3072:1914_1920x0_80_0_0_8a436672626a38cb785c9e3efdbdce3f.jpg
Муносибати интиқодӣ нисбат ба муҳоҷирони хориҷӣ дар Русия миёни москвагиҳо аз ҳама бештар аст. Ин як далели маълум аст, ки пеш аз ҳама бо он шарҳ дода мешавад, ки дар пойтахт бештари муҳоҷирон (аз ҷумла муҳоҷирони ғайриқонунӣ) аз ҷумҳуриҳои собиқи шӯравӣ, пеш аз ҳама аз Осиёи Марказӣ ҳастанд. Ягон назарсанҷии алоҳидаи ахир барои Маскав вуҷуд надорад, аммо ба эҳтимоли зиёд онҳо аз намунаи умумирусиягӣ тафовути зиёд надоранд ва тибқи он маълум мешавад, ки 70 дарсад ҷонибдори ташдиди қонун дар бораи муҳоҷират ҳастанд, беш аз 60 дарсад ба вуруди зиёди муҳоҷирони Осиёи Марказӣ назари манфӣ доранд ва бештар аз нисф зидди додани шаҳрвандии Русия ба онҳо мебошанд.Ин аст, ки бисёриҳо аз натиҷаҳои пурсише, ки ахиран Пажӯҳишгоҳи тадқиқоти демографии Академияи илмҳои Русия интишор ёфтааст, дар ҳайрат монданд. "Ин як пурсишест, ки аз ҷониби лоббистҳо барои воридоти муҳоҷирон фармоиш дода шудааст, он гӯё бояд нишон диҳад, ки муҳоҷирон аз москвагиҳо беҳтаранд!" — иброз медоранд баъзеҳо. Албатта, демографҳо ҳамагӣ ҳазор нафар одамони аз 18 то 45-соларо аз москвагиҳо, сокинони вилояти Москва ва муҳоҷирони чор ҷумҳурии Осиёи Миёна пурсиш карданд, бинобар ин, агар хоҳед, натичаҳои пурсишро зери шубҳа гузоред. Аммо агар шумо фиребро наҷӯед ва ба рақамҳо объективона назар кунед, пас ҳама бештар манфиат хоҳанд гирифт - пеш аз ҳама, худи москвагиҳо ва инчунин тамоми Русия.Демографҳо ба меъёри арзишҳои пурсидашудагон таваҷҷӯҳ доштанд ва маълум шуд, ки он дар байни москвагиҳо ва муҳоҷирони Осиёи Марказӣ ба таври назаррас фарқ мекунад. Албатта, на барои ҳама мавқеъҳо: масалан, хоҳиши "осоишта зиндагӣ кардан, худро бехатар ҳис кардан ва хатари зӯровариро эҳсос накардан" барои 29 дарсади москвагиҳо ва 30 дарсади муҳоҷирон муҳим аст, дар ҳоле ки хоҳиши "бой будан" ва барои худ ҳеч чизро дареғ надоштан" 26,5 дарсади сокинони пойтахт ва 25,6 дарсади муҳоҷирон арзёбӣ кардаанд. Ҳатто хоҳиши "доштани кори шавқоваре, ки ба шумо имкон диҳад, ки қобилият ва истеъдоди худро нишон диҳед", хости 42 дарсади москвагиҳо аст ва ба 31 дарсади муҳоҷирон наздик аст, тафовут назаррас, вале комилан фаҳмост.Аммо ҳангоми муқоисаи тамоми миқёси арзишҳо тафовути ҷиддӣ ошкор мегардад. Барои москвагиҳо дар ҷои аввал “кори ҷолиб” (42 дарсад) ва барои муҳоҷирон бошад, оилаи мустаҳкам ва фарзандони хуб меистад. Қариб 57 дарсади муҳоҷирон бар ин ақидаанд ва танҳо 25 фоизи сокинони пойтахт чунин мешуморанд. Ва 42 дарсади муҳоҷирон оилаи серфарзандро мехоҳанд ва танҳо 17 дарсади москвагиҳо. Гузашта аз ин, ин танҳо орзу нест: дар синни 18-25 солагӣ 14 дарсади муҳоҷирон аллакай фарзанд доранд ва дар байни сокинони Маскав бошад, камтар аз ҳашт фоизашон.Ва ихтилофҳо бо арзишҳои оилавӣ хотима намеёбанд. Эҳтиром аз дигаронро 35 дарсади муҳоҷирон ва ҳамагӣ 9 дарсади сокинони пойтахт арзиш арзёбӣ кардаанд. Барои 27 фоизи мардуми Осиёи Миёна ва 15 фоизи москвагиҳо "бо ростӣ, виҷдон, адолат зиндагӣ кардан" муҳим аст. Парастиши Худо ва риояи аҳкомро 20 дарсади муҳоҷирон ва чаҳор дарсади москвагиҳо арзиш нишон додаанд.Яъне мо фарқият байни шеваи зиндагии мусулмонони Осиёи Марказӣ ва сокинони Русия мебинем? Арзишҳоро анъанаҳо муайян мекунанд: тибқи ҳамин назарсанҷӣ, анъанаҳои миллӣ ва этникӣ барои 80 дарсади муҳоҷирон ва 64 дарсади москвагиҳо ва арзишҳои динӣ барои 74 фоиз муҳоҷирон ва 43 дарсади москвагиҳо муҳиманд. Маълум мешавад, ки мусулмонони Осиёи Миёна назар ба москвагиҳои рус беҳтар, тозатар ва серфарзандтаранд, — яъне оянда аз онҳост? Шояд ин аст, ки москвагиҳо мехоҳанд муҳоҷиратро маҳдуд кунанд, зеро онҳо фардгаро шудаанд, аммо рақобатро таҳдид ба ояндаи худ эҳсос мекунанд?Ин ҷо мо бояд фавран ду мавзӯи комилан гуногунро ҷудо кунем - таҳдиди кӯчонидани аҳолии таҳҷоӣ аз ҷониби навкорон ва фарқияти арзишҳо. Ҳуҷуми муҳоҷирони дигар фарҳанг ё қабила (коргарон ё гурезаҳо, муҳим нест) аз ҷониби ҳеҷ як мардуми ҷаҳон - аз Ҷопон то Марокаш истиқбол карда намешавад. Ҳатто миллатҳои сунъи бавуҷудомада (ИМА, Бразилия ва ғайра), ки аз омехтаи муҳоҷирони гуногун ташкил ёфтаанд, аз ворид шудани шумораи зиёди муҳоҷирони нав хушҳол нестанд, дар бораи чунин миллатҳои бузурги мустақил, мисли русҳо ҳоҷати гап ҳам нест.Норозигии москвагиҳо аз муҳоҷирон на фақат ба тафовути фарҳанг ва забон, алоқаманд аст, балки дар он аст, ки ҳеҷ як мардум розӣ нахоҳад шуд, ки тарзи зиндагии худро ба хотири дигарон тағйир диҳад (ва дар мавриди муҳоҷирати оммавӣ бошад, тадриҷан тағйир ёфтани тарзи зиндагӣ ногузир мегардад). Мусулмонони Осиёи Марказӣ аз русҳо беҳтар ё бадтар нестанд - онҳо дигаранд. Ва онҳо ватани худро доранд, ки дар омади гап, русҳо як вақт ба онҳо дар чаҳорчӯби як давлати умумӣ мусоидат карданд ва баъд аз фурӯпошии он маҷбур шуданд, ки хонаҳои худро ба таври оммавӣ тарк кунанд.Яъне русҳо, аз ҷумла москвагиҳо мехоҳанд, ки дар сарзамини худ тарзи зиндагӣ, фарҳанг, забони худро ҳифз кунанд. Ва аз ин рӯ, онҳо ҳақ доранд, ки ҷараёни муҳоҷиратро маҳдуд кардан зарур ва дуруст мешуморанд. Дар ин ҷо ҳеҷ гуна эътироз вуҷуд надорад, аммо баъдан мавзӯи дуюм оғоз мешавад.Мусулмонони Осиёи Марказӣ ба хотири зиндагии хуб ба Русия барои кор мераванд, дар Қирғизистону Тоҷикистон ва Узбекистон кор кам ва мушкилӣ зиёд аст. Аммо дар баробари ин онҳо ҷомеаи анъанавиро беҳтар нигоҳ доштаанд, аз ин ҷо хоҳиши адолат ва эҳтиром аз дигарон ва серфарзандӣ барояшон муҳим аст. Яъне ин ҳамон арзишҳое, ки мо дар халки рус мустаҳкам кардан мехоҳем, маҳз ҳамин чиз ба мо барои дар барқарор намудани қувва ва боварии худ кӯмак хоҳад кард. Пас, шояд мо бояд аз муҳоҷирони Осиёи Марказӣ ваҳдат ва меҳр ба фарзандонро омўзем?Не, ин ғайриимкон аст - зеро бояд аз таҷриба ва принсипҳои русии худ сабақ омӯзем. Зиндагии исломии қиргизу узбеку тоҷикон аз зиндагии русҳо бадтару беҳтар нест, вале дар асоси таҷрибаи ҳазорсолаҳои ҳаёти халқҳои Осиёи Миёна бунёд ёфтааст. Русҳо тамаддуни худро ба вуҷуд оварданд, православӣ, императорӣ, шӯравӣ. Мардуми Осиёи Миёна низ замоне бахше аз ин давлат буданд, аммо ҳуввияти худро нигоҳ доштанд.Барои русҳо вазъияти идеалӣ чунин хоҳад буд, ки халқҳои Осиёи Марказӣ кишварҳои худро дар иттифоқ ва ҳамкорӣ бо Русия рушд дода, дар мадори геополитикӣ ва ҳатто қисман тамаддуни мо боқӣ монанд. Худи Русия бошад, худаш тавонад афзоиш ва рушди худро таъмин кунад, арзишҳои худро барқарор кунад (на "анъанавӣ", балки ягонаи имконпазир), шумораи мардуми худро афзоиш диҳад. Ва он гоҳ маълум мешавад, ки арзишҳои мо наздиканд, аммо бо забонҳои гуногун ва дар доираи фарҳангҳои гуногун ифода мешаванд.Дар бобати москвагиҳо бояд танҳо як чизро дарк кунед, дар байни сокинони Маскав ва вилояти Маскав, ки демографҳо пурсиш кардаанд, худо кунад, ки ҳадди аққал сеяки онҳо москвагиҳо дар насли дуюм бошанд. Аксарияти мутлақро онҳое ташкил медиҳанд, ки дар оилаи зодагони минтақаҳои дигар, ки барои забт кардани он омадаанд, (аз ҷумла онҳое, ки умуман рус нестанд), таваллуд шудаанд. Яъне одамоне, ки зодгоҳашонро дар ҷустуҷӯи "зиндагии бехтар" тарк карданд, онҳое, ки аз тарзи зиндагонии худ канда шуда буданд, оилаҳое, ки барои “ҷой зери офтоб” мубориза бурданд.Ва ба фарқ аз аксари муҳоҷирони кории Осиёи Марказӣ, онҳо барои дарёфти пул барои хонаводаи дар ватан мондаашон наомадаанд ва орзуи бозгашт ба ватанро надоранд, онҳо хокистари ватани кӯчаки худро аз пойҳояшон кайҳо шустаанд. Ман онҳоро барои ин гунаҳкор намекунам, аммо аз онҳо интизори меъёрҳои анъанавии арзишҳо аҷиб мебуд.Аммо Маскав (агар дар бораи сокинон сухан гӯем) дар ҳақиқат тамоми Русия нест ва дар маҷмӯъ дар Русия афзалияти арзишҳо тамоман дигар аст. Хеле наздиктар ба он чизе, ки муҳоҷирони муваққатии Осиёи Марказӣ дар пойтахт мегӯянд.
https://sputnik.tj/20231119/zatulinjalbi-muhojiron-osiyoi-markazi-rusiya-muhim-1060518788.html
https://sputnik.tj/20231122/muhojirati-parkhoi-sanoati-rahmon-mishustin-tavofuq-1060554890.html
https://sputnik.tj/20231121/putin-afzoishi-kvota-tahsil-donishjuyon-tojikiston-1060547625.html
https://sputnik.tj/20231128/rusiya-intiqol-istifoda-nizomi-pardokhti-zud-tojikiston-oghoz-1060635077.html
https://sputnik.tj/20231118/tahlilgar-burd-tojikiston-uzviyat-iiao-1060515237.html
русия
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Пётр Акопов
https://cdnn1.img.sputnik.tj/img/103108/41/1031084122_0:0:150:150_100x100_80_0_0_45d14661a985ebab2262c07eb54ffecb.jpg
Пётр Акопов
https://cdnn1.img.sputnik.tj/img/103108/41/1031084122_0:0:150:150_100x100_80_0_0_45d14661a985ebab2262c07eb54ffecb.jpg
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
Пётр Акопов
https://cdnn1.img.sputnik.tj/img/103108/41/1031084122_0:0:150:150_100x100_80_0_0_45d14661a985ebab2262c07eb54ffecb.jpg
русия, осиёи марказӣ, муҳоҷирон, назарсанҷӣ, сутуннигор
русия, осиёи марказӣ, муҳоҷирон, назарсанҷӣ, сутуннигор
Муносибати интиқодӣ нисбат ба муҳоҷирони хориҷӣ дар Русия миёни москвагиҳо аз ҳама бештар аст. Ин як далели маълум аст, ки пеш аз ҳама бо он шарҳ дода мешавад, ки дар пойтахт бештари муҳоҷирон (аз ҷумла муҳоҷирони ғайриқонунӣ) аз ҷумҳуриҳои собиқи шӯравӣ, пеш аз ҳама аз Осиёи Марказӣ ҳастанд.
Ягон назарсанҷии алоҳидаи ахир барои Маскав вуҷуд надорад, аммо ба эҳтимоли зиёд онҳо аз намунаи умумирусиягӣ тафовути зиёд надоранд ва тибқи он маълум мешавад, ки 70 дарсад ҷонибдори ташдиди қонун дар бораи муҳоҷират ҳастанд, беш аз 60 дарсад ба вуруди зиёди муҳоҷирони Осиёи Марказӣ назари манфӣ доранд ва бештар аз нисф зидди додани шаҳрвандии Русия ба онҳо мебошанд.
Ин аст, ки бисёриҳо аз натиҷаҳои пурсише, ки ахиран Пажӯҳишгоҳи тадқиқоти демографии Академияи илмҳои Русия интишор ёфтааст, дар ҳайрат монданд. "Ин як пурсишест, ки аз ҷониби лоббистҳо барои воридоти муҳоҷирон фармоиш дода шудааст, он гӯё бояд нишон диҳад, ки муҳоҷирон аз москвагиҳо беҳтаранд!" — иброз медоранд баъзеҳо.
Албатта, демографҳо ҳамагӣ ҳазор нафар одамони аз 18 то 45-соларо аз москвагиҳо, сокинони вилояти Москва ва муҳоҷирони чор ҷумҳурии Осиёи Миёна пурсиш карданд, бинобар ин, агар хоҳед, натичаҳои пурсишро зери шубҳа гузоред. Аммо агар шумо фиребро наҷӯед ва ба рақамҳо объективона назар кунед, пас ҳама бештар манфиат хоҳанд гирифт - пеш аз ҳама, худи москвагиҳо ва инчунин тамоми Русия.
Демографҳо ба меъёри арзишҳои пурсидашудагон таваҷҷӯҳ доштанд ва маълум шуд, ки он дар байни москвагиҳо ва муҳоҷирони Осиёи Марказӣ ба таври назаррас фарқ мекунад.
Албатта, на барои ҳама мавқеъҳо: масалан, хоҳиши "осоишта зиндагӣ кардан, худро бехатар ҳис кардан ва хатари зӯровариро эҳсос накардан" барои 29 дарсади москвагиҳо ва 30 дарсади муҳоҷирон муҳим аст, дар ҳоле ки хоҳиши "бой будан" ва барои худ ҳеч чизро дареғ надоштан" 26,5 дарсади сокинони пойтахт ва 25,6 дарсади муҳоҷирон арзёбӣ кардаанд.
Ҳатто хоҳиши "доштани кори шавқоваре, ки ба шумо имкон диҳад, ки қобилият ва истеъдоди худро нишон диҳед", хости 42 дарсади москвагиҳо аст ва ба 31 дарсади муҳоҷирон наздик аст, тафовут назаррас, вале комилан фаҳмост.
Аммо ҳангоми муқоисаи тамоми миқёси арзишҳо тафовути ҷиддӣ ошкор мегардад. Барои москвагиҳо дар ҷои аввал “кори ҷолиб” (42 дарсад) ва барои муҳоҷирон бошад, оилаи мустаҳкам ва фарзандони хуб меистад.
Қариб 57 дарсади муҳоҷирон бар ин ақидаанд ва танҳо 25 фоизи сокинони пойтахт чунин мешуморанд. Ва 42 дарсади муҳоҷирон оилаи серфарзандро мехоҳанд ва танҳо 17 дарсади москвагиҳо. Гузашта аз ин, ин танҳо орзу нест: дар синни 18-25 солагӣ 14 дарсади муҳоҷирон аллакай фарзанд доранд ва дар байни сокинони Маскав бошад, камтар аз ҳашт фоизашон.
Ва ихтилофҳо бо арзишҳои оилавӣ хотима намеёбанд. Эҳтиром аз дигаронро 35 дарсади муҳоҷирон ва ҳамагӣ 9 дарсади сокинони пойтахт арзиш арзёбӣ кардаанд. Барои 27 фоизи мардуми Осиёи Миёна ва 15 фоизи москвагиҳо "бо ростӣ, виҷдон, адолат зиндагӣ кардан" муҳим аст. Парастиши Худо ва риояи аҳкомро 20 дарсади муҳоҷирон ва чаҳор дарсади москвагиҳо арзиш нишон додаанд.
Яъне мо фарқият байни шеваи зиндагии мусулмонони Осиёи Марказӣ ва сокинони Русия мебинем? Арзишҳоро анъанаҳо муайян мекунанд: тибқи ҳамин назарсанҷӣ, анъанаҳои миллӣ ва этникӣ барои 80 дарсади муҳоҷирон ва 64 дарсади москвагиҳо ва арзишҳои динӣ барои 74 фоиз муҳоҷирон ва 43 дарсади москвагиҳо муҳиманд.
Маълум мешавад, ки мусулмонони Осиёи Миёна назар ба москвагиҳои рус беҳтар, тозатар ва серфарзандтаранд, — яъне оянда аз онҳост? Шояд ин аст, ки москвагиҳо мехоҳанд муҳоҷиратро маҳдуд кунанд, зеро онҳо фардгаро шудаанд, аммо рақобатро таҳдид ба ояндаи худ эҳсос мекунанд?
Ин ҷо мо бояд фавран ду мавзӯи комилан гуногунро ҷудо кунем - таҳдиди кӯчонидани аҳолии таҳҷоӣ аз ҷониби навкорон ва фарқияти арзишҳо. Ҳуҷуми муҳоҷирони дигар фарҳанг ё қабила (коргарон ё гурезаҳо, муҳим нест) аз ҷониби ҳеҷ як мардуми ҷаҳон - аз Ҷопон то Марокаш истиқбол карда намешавад.
Ҳатто миллатҳои сунъи бавуҷудомада (ИМА, Бразилия ва ғайра), ки аз омехтаи муҳоҷирони гуногун ташкил ёфтаанд, аз ворид шудани шумораи зиёди муҳоҷирони нав хушҳол нестанд, дар бораи чунин миллатҳои бузурги мустақил, мисли русҳо ҳоҷати гап ҳам нест.
Норозигии москвагиҳо аз муҳоҷирон на фақат ба тафовути фарҳанг ва забон, алоқаманд аст, балки дар он аст, ки ҳеҷ як мардум розӣ нахоҳад шуд, ки тарзи зиндагии худро ба хотири дигарон тағйир диҳад (ва дар мавриди муҳоҷирати оммавӣ бошад, тадриҷан тағйир ёфтани тарзи зиндагӣ ногузир мегардад).
Мусулмонони Осиёи Марказӣ аз русҳо беҳтар ё бадтар нестанд - онҳо дигаранд. Ва онҳо ватани худро доранд, ки дар омади гап, русҳо як вақт ба онҳо дар чаҳорчӯби як давлати умумӣ мусоидат карданд ва баъд аз фурӯпошии он маҷбур шуданд, ки хонаҳои худро ба таври оммавӣ тарк кунанд.
Яъне русҳо, аз ҷумла москвагиҳо мехоҳанд, ки дар сарзамини худ тарзи зиндагӣ, фарҳанг, забони худро ҳифз кунанд. Ва аз ин рӯ, онҳо ҳақ доранд, ки ҷараёни муҳоҷиратро маҳдуд кардан зарур ва дуруст мешуморанд. Дар ин ҷо ҳеҷ гуна эътироз вуҷуд надорад, аммо баъдан мавзӯи дуюм оғоз мешавад.
Мусулмонони Осиёи Марказӣ ба хотири зиндагии хуб ба Русия барои кор мераванд, дар Қирғизистону Тоҷикистон ва Узбекистон кор кам ва мушкилӣ зиёд аст. Аммо дар баробари ин онҳо ҷомеаи анъанавиро беҳтар нигоҳ доштаанд, аз ин ҷо хоҳиши адолат ва эҳтиром аз дигарон ва серфарзандӣ барояшон муҳим аст.
Яъне ин ҳамон арзишҳое, ки мо дар халки рус мустаҳкам кардан мехоҳем, маҳз ҳамин чиз ба мо барои дар барқарор намудани қувва ва боварии худ кӯмак хоҳад кард. Пас, шояд мо бояд аз муҳоҷирони Осиёи Марказӣ ваҳдат ва меҳр ба фарзандонро омўзем?
Не, ин ғайриимкон аст - зеро бояд аз таҷриба ва принсипҳои русии худ сабақ омӯзем. Зиндагии исломии қиргизу узбеку тоҷикон аз зиндагии русҳо бадтару беҳтар нест, вале дар асоси таҷрибаи ҳазорсолаҳои ҳаёти халқҳои Осиёи Миёна бунёд ёфтааст.
Русҳо тамаддуни худро ба вуҷуд оварданд, православӣ, императорӣ, шӯравӣ. Мардуми Осиёи Миёна низ замоне бахше аз ин давлат буданд, аммо ҳуввияти худро нигоҳ доштанд.
Барои русҳо вазъияти идеалӣ чунин хоҳад буд, ки халқҳои Осиёи Марказӣ кишварҳои худро дар иттифоқ ва ҳамкорӣ бо Русия рушд дода, дар мадори геополитикӣ ва ҳатто қисман тамаддуни мо боқӣ монанд.
Худи Русия бошад, худаш тавонад афзоиш ва рушди худро таъмин кунад, арзишҳои худро барқарор кунад (на "анъанавӣ", балки ягонаи имконпазир), шумораи мардуми худро афзоиш диҳад. Ва он гоҳ маълум мешавад, ки арзишҳои мо наздиканд, аммо бо забонҳои гуногун ва дар доираи фарҳангҳои гуногун ифода мешаванд.
Дар бобати москвагиҳо бояд танҳо як чизро дарк кунед, дар байни сокинони Маскав ва вилояти Маскав, ки демографҳо пурсиш кардаанд, худо кунад, ки ҳадди аққал сеяки онҳо москвагиҳо дар насли дуюм бошанд.
Аксарияти мутлақро онҳое ташкил медиҳанд, ки дар оилаи зодагони минтақаҳои дигар, ки барои забт кардани он омадаанд, (аз ҷумла онҳое, ки умуман рус нестанд), таваллуд шудаанд. Яъне одамоне, ки зодгоҳашонро дар ҷустуҷӯи "зиндагии бехтар" тарк карданд, онҳое, ки аз тарзи зиндагонии худ канда шуда буданд, оилаҳое, ки барои “ҷой зери офтоб” мубориза бурданд.
Ва ба фарқ аз аксари муҳоҷирони кории Осиёи Марказӣ, онҳо барои дарёфти пул барои хонаводаи дар ватан мондаашон наомадаанд ва орзуи бозгашт ба ватанро надоранд, онҳо хокистари ватани кӯчаки худро аз пойҳояшон кайҳо шустаанд. Ман онҳоро барои ин гунаҳкор намекунам, аммо аз онҳо интизори меъёрҳои анъанавии арзишҳо аҷиб мебуд.
Аммо Маскав (агар дар бораи сокинон сухан гӯем) дар ҳақиқат тамоми Русия нест ва дар маҷмӯъ дар Русия афзалияти арзишҳо тамоман дигар аст. Хеле наздиктар ба он чизе, ки муҳоҷирони муваққатии Осиёи Марказӣ дар пойтахт мегӯянд.
