ДУШАНБЕ, 24 июл — Sputnik. Дар Русия қонуни федеролие амалӣ гардид, ки имконият медиҳад шаҳрвандони хориҷӣ ва нафарони бидуни шаҳрвандӣ бо роҳи сода шаҳрвандии ин кишварро ба даст оранд.
Чунончи, ҳуҷҷат талаботи даст кашидан аз шаҳрвандии шаҳрванди хориҷиро лағв мекунад, ҳамчунин мӯҳлати будубош дар Русия барои гирифтани шаҳрвандӣ кам карда шудааст.
Агар пештар ҳуҷҷат барои гирифтани шиносномаи Русия бидуни ариза дар бораи радди шаҳрвандии дар даст доштаи шаҳоварди хориҷӣ қабул намешуд, пас феълан ин банд аз қонун истисно гардид.
Афзун бар ин, қонуни мазкур аз шаҳрвандони хориҷӣ - шаҳрвандоне ки забони модариашон русист оид ба пешниҳоди ариза дар бораи додани огоҳинома дар бораи имконияти қабули шаҳрвандии Русия ба мақомоти маҳаллии ВКД Русия маҳдудиятҳои ҷудогонаро мебардорад.
Ҳамчунин, мувофиқи қонун нафароне, ки дар Иттиҳоди Шӯравӣ ё яке аз ҷумҳуриҳои он таваллуд шудаанд, метавонанд бидуни бидубоши сесола дар ҳудуди Русия, шаҳрвандии ин кишварро "даъво" кунанд.
Ҳамчунин, бақайдгирии дактилоскопии шаҳрвандони хориҷӣ ва ё бидуни шаҳрвандие, ки шаҳрвандии Русияро ба даст меоранд, ҳатмӣ мешавад.
Ҳамчунин нафароне, ки донишгоҳҳои Русияро хатм кардаанд, барои гирифтани шаҳрвандӣ бо як соли таҷрибаи корӣ имконият фароҳам оварда шуд.
Пештар дар Русия қонуне амалӣ шуд, ки мувофиқи он мӯҳлати баррасии аризаҳо барои гирифтани шаҳрвандӣ коҳиш дода мешавад. Мувофиқи он мӯҳлати баррасии додани шаҳрвандӣ аз 6 то 3 моҳ кам карда шуд.
Маҷлиси Русия роҳҳои осони гирифтани шаҳрвандии Русияро баррасӣ мекунад
