07:29 19 январи 2021
Пахши мустақим
  • USD11.30
  • EUR13.63
  • RUB0.15
Дар Русия
Гирифтани линки кӯтоҳ
906 0 0

Владимир Жириновский, раиси Ҳизби либерал-демократи Русия гуфт, бо эҳтимоли зиёд аз ҳизбаш дар интихоботи президентии соли 2024 зан пешбарӣ мешавад

ДУШАНБЕ, 14 январ - Sputnik. Раҳбари ҲЛДР, Владимир Жириновский зимни пахши мустақим дар саҳифаи Instagram - аш гуфт, бо эҳтимоли зиёд дар интихоботи президентии соли 2024 аз ҳизбаш зан пешбарӣ мешавад.

Ба гуфти сиёсатмадор, Ҳизби либерал-демократи Русия метавонад номзадии вакил Елена Афанасеваро пешбарӣ кунад. Ӯ қайд кард, ки худ низ омода аст дар интихоботи президентӣ ширкат кунад.

"Мо номзадҳои зиёд дорем. Шояд Василий Власови ҷавон. Шояд занеро омода мекунем. Мо аз Оренбург Елена Афанасева дорем. Ман омодаам. ҲЛДР омода аст", - қайд кард ӯ.

Пештар Жириновский сиёсатмадоронеро ном бурд, ки метавонанд ҷойгузини Владимир Путин шаванд.

Ҳамин тавре теъдоди ҷойгузинҳое, ки метавонанд Путинро иваз кунанд, ба 8 нафар баробар шуд.

Ба гуфти Жириновский, ба ҷои Путин метавонанд Михаил Мишустин сарвазири Русия, Сергей Шойгу вазири мудофиа, Сергей Наришкин роҳбари Хадамоти иктишофӣ, Вячеслав Володин, раиси Думаи давлатӣ ва  Валентина Матвиенко, раиси Шӯрои Федератсия президент шавад.

Жириновский дар бораи вориси Путин гуфт

Инчунин Жириновский исми шаҳрдори Маскав, Сергей Собянин, волии вилояти Тула, Алексей Дюмин  ва Алексей Кудрин раиси Палатаи ҳисоби Русияро ном бурда гуфт, онҳо низ қодиранд аз уҳдаи раҳбарӣ бароянд.

Барчаспҳо:
Русия, президентӣ, номзад, номзадҳо, Владимир Жириновский

Мавзӯъҳои асосӣ