14:40 19 августи 2019
Пахши мустақим
  • USD9.44
  • EUR10.46
  • RUB0.14
Халтаи орд. Акс аз бойгонӣ

Барои сокинони Бадахшон маҳсулоти арзон мебаранд

© Sputnik / Андрей Стенин
Дар Тоҷикистон
Гирифтани линки кӯтоҳ
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
7 0 0

Бо ташаббуси чанде аз идороти давлатӣ, даҳҳо тона маҳсулоти ғизоӣ ба Бадахшон фиристода шуда, бо қимати то 30-50 дарсад арзонтар аз арзиши бозор ба фурӯш бароварда шудааст.

ДУШАНБЕ, 4 авг — Sputnik. Бо ташаббуси Вазорати кишоварзӣ, идораи "Тоҷикматлубот" ва Агентии захираҳои моддии Тоҷикистон аз ноҳияҳои Рӯдакӣ, Ҳисор, Шаҳринав, Ваҳдат зиёда аз 200 тонна маҳсулоти кишоварзӣ барои сокинони Бадахшон равона шудааст, менависад АМИТ Ховар.

Вазорати кишоварзӣ хабар додааст, 40 тонна картошка, 50 тонна пиёз, 10 тонна сабзӣ, 9 тонна карам, 2 тонна қаламфури булғорӣ, 30 тонна тарбуз, 20 тонна харбуза, 2 тонна биринҷ, 4,5 тонна орд, 2 тонна помидор, ҳамчунин чой, равған ва дигар маҳсулоти ғизоӣ бо қимати то 30-50 фоиз нисбат ба бозор арзон, ба сокинони ноҳияҳои Дарвоз, Рӯшон, Рошқалъа, Ишкошим ва Мурғоб пешкаш шудааст.

Дар пайи болоравии сатҳи оби рудхонаҳо ва фаромадани сел дар даҳҳаи дувум ва севуми моҳи июл дар ноҳияи Ванҷ 6 нафар ва дар деҳаи Бедаки ноҳияи Рашт 1 нафар кушта шуд. Обхезиҳо даҳҳо манзили зисти сокинонро дар навоҳии Бадахшон ва ноҳияи Рашт тахриб карда, тибқи ҳисобҳои қаблӣ, дар маҷмӯъ 100 миллион доллар хисорот овардааст.

Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Барчаспҳо:
арзон, маҳсулоти ғизоӣ, кумак, "Тоҷикматлубот", Вазорати кишоварзӣ, Бадахшон, Душанбе

Мавзӯъҳои асосӣ