Номаи тасаллияти Аслов ба Лавров дар мавриди куштори сафир

© Sputnik / Михаил ВоскресенскийВазири корҳои хориҷии Тоҷикистон Сироҷиддин Аслов, акс аз бойгонӣ
Вазири корҳои хориҷии Тоҷикистон Сироҷиддин Аслов, акс аз бойгонӣ - Sputnik Тоҷикистон
Обуна шудан
Вазири корҳои хориҷии Ҷумҳурии Тоҷикистон Сироҷиддин Аслов ба ҳамтои россиягии худ Сергей Лавров номаи тасаллият ирсол намуд, хабар медиҳад хадамоти матбуоти Вазорати корҳои хориҷии Ҷумҳурии Тоҷикистон

ДУШАНБЕ, 20 дек — Sputnik. Вазири корҳои хориҷии Ҷумҳурии Тоҷикистон Сироҷиддин Аслов ба ҳамтои россиягии худ Сергей Лавров номаи тасаллият ирсол намуд, ки дар он ҷониби Тоҷикистон фоҷиаи дар шаҳри  Анкара рух додаро сахт маҳкум менамояд, менависад хадамоти матбуот.

"Қатли Сафири Фавқулода ва Мухтори Федератсияи Россия дар Ҷумҳурии Туркия Андрей Карлов, ин амали ғайриинсонӣ буда, ба вайрон намудани  тамоми меъёр ва қоидаҳои тартиботи ҷаҳони мутамаддин равона карда шудааст",- иброз доштааст Аслов дар мактуб.

Куштори сафири Русия дар Туркия Андрей Карлов - Sputnik Тоҷикистон
Сафири Русия дар Туркия кушта шуд

Дар нома гуфта мешавад, ки ин амали ваҳшиёна бевосита ба мушкилоти умумиинсонӣ, аз қабили терроризм ва экстремизм вобастагӣ дошта, дар мубориза бар зидди он  Ҷумҳурии Тоҷикистон ва Федератсияи Россия мавқеи ягона доранд.

Дар хотима вазири корҳои хориҷии Тоҷикистон  изҳори ҳамдардии амиқи худро ба аҳли хонавода ва наздикони дипломат, ки то охирин лаҳзаи ҳаёташ дар хизмати халқу кишвараш буд, баён намуд.

Лентаи хабарҳо
0