05:35 12 ноябри 2019
Пахши мустақим
  • USD9.70
  • EUR10.70
  • RUB0.15
Сафари раисҷумҳур ба шаҳри Ваҳдат

Дар шаҳри Ваҳдат парчами 50-метри барафрошта шуд

© Фото: Пресс служба президента РТ
Дар Тоҷикистон
Гирифтани линки кӯтоҳ
Ҷашни 20 -солагии Ваҳдати миллӣ дар Тоҷикистон (18)
104 0 0

Рӯзи гузашта раисҷумҳури Тоҷикистон дар маросими кушодашавии сутунпояи Парчами давлатии Тоҷикистон иштирок варзид

ДУШАНБЕ, 28 июн — Sputnik. Бино бар иттилои Дафтари матбуотии раиси ҷумҳури Тоҷикистон, дар шаҳри Ваҳдат дар рӯзи ҷашни Ваҳдати миллӣ бо иштироки Эмомалӣ Раҳмон сутунпояи Парчами давлатии Тоҷикистон ифтитоҳ ёфт.

Тибқи иттилои манбаъ, парчами давлатии ҷумҳурии Тоҷикистон дар назди варзишгоҳи муҳташами навбунёд бо баландии 50 метр қомат рост кард. Парчам 7 метр паҳноӣ ва 14 метр дарозӣ дорад.

Раисҷумҳур ин рамзи давлатдориро дар маркази шаҳри Ваҳдат расман ифтитоҳ намуд.

"Корҳои сохтмонии парчами давлатии Тоҷикистон дар шаҳри Ваҳдат аз тарафи Ҷамъияти дорои масъулияти маҳдуди "Некзод" ба иҷро расонида шуд. Аснои ба истифодадаҳии иншооти мазкур зикр гардид, ки арзиши лоиҳавии сохтмони Парчам 1 млн. 650 ҳазор сомонӣ буда, он аз ҳисоби буҷети маҳаллӣ ҷудо шудааст. Назди Парчами давлатии Тоҷикистон сарсабзу хуррам гардонида шуда, ки як гулгашти дилписанду дилнишинро мемонад",- омадааст дар хабари дафтари матбуот.

Атрофи саҳни Парчами давлатии Ҷумҳурии Тоҷикистон дар шаҳри Ваҳдат гулзор карда шуда, фаввораҳо фаъол ва муҳити он чароғон кунонида шудааст, ки дили ҳар бинандаро мерабояд.

Изҳори эътимод карда шуд, ки аз ин пас дар ин макони зебо ҳамчун нишони садоқат ва меҳру муҳаббат ба рамзҳои давлатӣ чорабиниҳои мухталиф баргузор карда мешавад ва болафшонии парчами давлатӣ дар назди варзишгоҳи навбунёд ифтихори миллии ҳар бошандаи шаҳри Ваҳдатро боло ва ҳисси меҳандӯстии сокинонро тақвият мебахшад.

Мавзуҳо:
Ҷашни 20 -солагии Ваҳдати миллӣ дар Тоҷикистон (18)
Барчаспҳо:
парчами давлатӣ, Эмомалӣ Раҳмон, шаҳри Ваҳдат, Тоҷикистон

Мавзӯъҳои асосӣ