ДУШАНБЕ, 7 авг — Sputnik. Бино ба гузориши равобити умумии вазорати тандуустии Тоҷикистон, бо мақсади ҷамъоварӣ ва коркарди гиёҳҳои шифобахш дар дохили ҷумҳурӣ аз ҳисоби кормандони Муассисаи давлатии тиббии "Коллеҷи тиббии ҷумҳуриявӣ" гурӯҳи корӣ ташкил гардида ба ноҳияи Балҷувон сафарбар гардиданд.
Иқдоми мазкур аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон рӯи даст гирифта шудааст ва ба ҳайъати он, шаш омўзгор, се кас корманди маркази таълимӣ-истеҳсолии "Ҷамъоварӣ ва истеҳсоли гиёҳҳои шифобахш" ва зиёда аз даҳ донишҷуёни муассисаи таълимии номбурда шомил буданд.
Гурӯҳи кориро ҳамзамон намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва роҳбарияти Муассисаи давлатии тиббии "Коллеҷи тиббии ҷумҳуриявӣ ҳамроҳӣ намуданд, ки дар натиҷа аз ҷамоати деҳоти Шайдон ва деҳаҳои Султон Увайс, Сари Хосори ноҳияи Балҷувон ба миқдори зиёда аз панҷ ҳазор килу гиёҳҳои шифобахш аз қабили коснӣ, чойкаҳак, кокутӣ, роҳдавак, субинак, газна, лупанак, пудина ва сапали уштур ҷамъоварӣ карда шуд.
Гиёҳҳои ҷамъоварикардашуда ба маркази таълимӣ-истеҳсолии "Ҷамъоварӣ ва коркарди гиёҳҳои шифобахш" — и "Коллеҷи тиббии ҷумҳуриявӣ" дастрас карда шуда, айни ҳол дар ҷараёни коркард ва истеҳсол қарор доранд.
