Боздиди Шодихон Ҷамшед аз шаҳраки навбунёди Сайҳун

© Фото : Исполнительный орган гос.власти Согдийской областиДни культуры ГБАО в Согде
Дни культуры ГБАО в Согде - Sputnik Тоҷикистон
Обуна шудан
Дар чаҳорчуби Ҳафтаи фарҳанги ВМКБ дар вилояти Суғд раиси вилояти мухтори Кӯҳистони Бадахшон Шодихон Ҷамшед ва ҳамроҳонаш аз шаҳраки тозабунёди Сайҳун боздид карданд

ДУШАНБЕ, 26 авг- Sputnik. Ба гузориши равобити умумии ҳукумати вилояти Суғд, меҳмононро муовини якуми раиси вилоят Рустам Раҳматзода ва Анвар Яъқубӣ дар ин сафар ҳамроҳӣ карданд.

© Фото : Аз равобити умумии ҳукумати вилояти СуғдБоздиди роҳбарияти ВМКБ аз шаҳракаи навбунёди Сайҳун
Боздиди роҳбарияти ВМКБ аз шаҳракаи навбунёди Сайҳун - Sputnik Тоҷикистон
Боздиди роҳбарияти ВМКБ аз шаҳракаи навбунёди Сайҳун

Ба раиси ВМКБ иттилоъ додаанд, ки бо дастури Эмомалӣ Раҳмон дар таи чанд соли охир дар дашти Сомғор ба азхудкунии заминҳо оғоз бахшида шуда, аллакай дар марҳилаи аввал зиёда аз 1,5 ҳазор гектар боғи нав бунёд ва беш аз 7,5 ҳазор нафар эҳтиёҷмандон бо заминҳои наздиҳавлигӣ таъмин гардиданд.

"Имрӯзҳо аз ҷониби сокинон бунёди хонаҳои истиқоматӣ босуръат ҷараён дорад", —омадааст дар хабарнома.

Фестиваль культур России и Таджикистана, Памир-Москва - Sputnik Тоҷикистон
Фарҳангиёни Бадахшонро дар Суғд бо нону асал пешвоз гирифтанд

Ҷиҳати таъмин намудани шаҳрак ва майдони боғот бо оби полезӣ аз дарёи Сир об бароварда шудааст. Ҳамаи боғҳо бо усули обёрии қатрагӣ обёрӣ карда мешавад. Ниҳолҳои 2 сол қабл шинонидаи ин майдон аллакай ба ҳосилдиҳӣ шурӯъ намуда, ҳосили дилхоҳ ба бор меорад.

Раиси вилояти мухтори Куҳситони Бадахшон бунёди шаҳрак ва азхудкунии заминҳои бекорхобидаро иқдоми бузург унвон карда, таъкид дошт, ки минбаъд ин ташаббус боиси таъмини шаҳрвандон бо манзили зист ва ҳамзамон ҷойи корӣ мегардад.

Манбаъ меафзояд, ки шаҳраки мазкур барои 250 ҳазор аҳолӣ пешбинӣ шуда, майдони боғот то ба 7 ҳазор гектар расонида хоҳад шуд.

Лентаи хабарҳо
0