06:27 18 феврали 2018
Пахши мустақим
Мудири Китобхонаи миллии Тоҷикистон Сайфиддин Назарзода

Ҷойи Назарзодаро дар Китобхонаи миллӣ кӣ гирифтааст?

© Сомонаи Сайфиддин Назарзода
Дар Тоҷикистон
Гирифтани линки кӯтоҳ
16101

Абдусалом Мирализода аз 15-уми августи соли 2017 бо як амри раисҷумҳури Тоҷикистон мудири Китобхонаи миллӣ таъйин шуд

ДУШАНБЕ, 6 сен — Sputnik. Абдусалом Мирализода   22-юми марти соли 1961, дар деҳаи Баҳористони ноҳияи Фархор ба дунё омадааст. Омӯзгор, физик, доктори илми педагогика, профессор (соли 2006), Аълочии маорифи халқ (соли 1997); Корманди шоистаи Ҷумҳурии Тоҷикистон (соли 2008).

Фаъолияти корӣ: лаборанти кафедраи физикаи Институти хоҷагии қишлоқи Тоҷикистон (солҳои 1987-1988); муаллими Техникуми политехникии шаҳри Душанбе (соли 1988); раиси Иттифоқи касабаи муаллимон ва донишҷӯёни Техникуми политехникии шаҳри Душанбе (солҳои 1988-1992); мудири шуъбаи таҳсилоти ғоибонаи Техникуми политехникӣ (солҳои 1992-1994); аспиранти ДДТ (солҳои 1994-1997); мудири шуъбаи таҷрибаомӯзии ДМТ (солҳои 1995-2004); декани факултети такмили ихтисос ва бозомӯзии кадрҳои ДМТ (солҳои 2004-2006); мудири кафедраи умумидонишгоҳии педагогикаи Донишгоҳи давлатии миллии Тоҷикистон (солҳои 2006-2011); сардори раёсати таълими ДМТ (соли 2011); муовини аввал, муовини ректори ДМТ оид ба таълим (аз соли 2012 то 15.08.2017).

Бо Амри раисҷумҳури Тоҷикистон аз 15-уми августи соли 2017 директори Муассисаи давлатии "Китобхонаи миллии Тоҷикистон" таъйин карда шуд.

Соли 1997 рисолаи номзадии хешро дар мавзӯи "Асосҳои иҷтимоию педагогии омодасозии хонандагон дар интихоби касб" ва соли 2006 рисолаи докториро дар мавзӯи "Системаи педагогии омодасозии донишҷӯён дар ташкили раҳнамоии касбӣ ва тарбияи меҳнатии хонандагон" сарбаландона дифоъ намудааст.

Самтҳои асосии тадқиқоти илмии Мирализода А.М. такмили маҳорати касбии муаллимони мактабҳои олӣ, касбинтихобкунии донишҷӯён ва хонандагони мактабҳои таҳсилоти умумӣ, роҳнамоии касбӣ ва тарбияи меҳнатии хонандагон мебошад.

Муаллифи 3 монография, 2 китоби дарсӣ (дар ҳаммуаллифӣ), 8 дастури методӣ ва зиёда аз 70 мақолаи илмӣ мебошад.

Мирализода  аз ҷониби Ҳукумати Ҷумҳурии Тоҷикистон бо унвони фахрии "Корманди шоистаи Тоҷикистон" (соли 2008) ва аз ҷониби Вазорати маорифи Ҷумҳурии Тоҷикистон бо нишони "Аълочии маорифи Ҷумҳурии Тоҷикистон" (соли 1996) сарфароз гардидаст.

Ёдовар мешавем, мудири Китобхонаи миллии Тоҷикистон Сайфиддин Назарзода 15-уми август  пас аз гузориши телевизиони Тоҷикистон дар бораи нақзи қонуни танзим бо амри раисҷумҳури Тоҷикистон аз симаташ барканор шуд.

Аммо худи Сайфиддин Назарзода бо гузорише дар саҳифаи расмиаш изҳор дошт, ки гузориши телевизиони Тоҷикистон ҳасад ё бухл аст ва ӯ қонунеро нақз накардааст.

Баъдат расонаҳои Тоҷикистон иттилоъ доданд, ки Сайфиддин Назарзода телевизиони Тоҷикистонро ба додгоҳ кашидааст. Аммо як манбаи Sputnik Тоҷикистон ин иттилоъро рад кард ва аз шарҳи бештари он худдорӣ кард.

Барчаспҳо:
Сайфиддин Назарзода, Тоҷикистон

Мавзӯъҳои асосӣ

  • Амир Урунов ба ҳайси Сафири ҷавони Бозиҳои тобистонаи олимпии наврасон дар Буэнос Айрес - 2018 (Аргентин) интихоб гардид

    Аз ҷониби Кумитаи байналмилалии олимпӣ Амир Урунов ба ҳайси Сафири ҷавони Бозиҳои тобистонаи олимпии наврасон дар Буэнос Айрес - 2018 (Аргентин) интихоб гардид ва ӯ Тоҷикистонро муаррифӣ хоҳад кард

    1625
  • Вазири умури дохила Рамазон Раҳимзода

    Вазир гуфт, самараи фаъолияти кормандони ВУД сол то сол беҳтар гардида, саҳми онҳо дар иҷрои саривақтии вазифаҳои хизматии хеш, пешгирӣ, ошкор ва мубориза ба ҷиноятҳои вазнин ва махсусан вазнин бештар аст

    87
  • Дарвеши муаллақ, акс аз бойгонӣ

    Акнун дар кӯчаҳои Бухоро гардишгаронро як тамошои дигар интизор аст - "дарвеши муаллақ". Кумитаи гардишгарии Узбакистон расман иҷоза додааст, ки дарвеш ба сайёҳон ҳунари худро нишон диҳад

    166