Дар кӯчаҳои Душанбе автобусҳои дуошёна пайдо мешаванд

© © Sputnik / Амир ИсаевАвтобусная остановка в Душанбе, архивное фото
Автобусная остановка в Душанбе, архивное фото - Sputnik Тоҷикистон
Обуна шудан
Интизор меравад, ки дар ояндаи наздик аз ҷониби Кумитаи рушди сайёҳӣ якҷо бо бахши хусусии Маркази хизматрасонии нақлиётӣ дар соҳаи гардишгарӣ ба Тоҷикистон автобусҳои дуошёна, якошёна ва дигар навъҳои мошинҳо ворид карда мешавад

ДУШАНБЕ, 18 фев — Sputnik.  Дар Душанбе автобусҳои нави дуошёна пайдо мешавад, дар ин бора раиси Кумитаи гардишгарии Тоҷикистон Нуъмон Абдуғаффорзода дар нишасти хабарӣ ба рӯзноманигорон гуфтааст.

Ба гуфти раис дар ҳоли ҳозир ҳамзамон тарҳи бунёди меҳмонхонаи "Хонаи шикорчиён" дар ноҳияи Ховалинг, осоишгоҳ-табобатгоҳи муосир дар шаҳри Норак, комплекси сайёҳӣ дар ноҳияи Шаҳристон ва шаҳри Ваҳдат, иншооти маишӣ ва хизматрасонӣ ба сайёҳон дар мавзеи Себистони ноҳияи Данғара, инфрасохтори сарироҳӣ, аз ҷумла, ташнобҳою меҳмонхонаҳо мавриди корбарии мутахассисон қарор доранд.

Такси, архивное фото - Sputnik Тоҷикистон
"Рахш таксӣ": дар Душанбе таксиҳои нави гардишгарӣ пайдо мешаванд

Гуфта шуда, ки бо мақсади боз ҳам беҳтар намудани хизматрасонии таксӣ ба меҳмонону сайёҳони дохилию хориҷӣ дар бинои ҶСК "Фурудгоҳи байналмилалии Душанбе" нуқтаи хизматрасонии таксии ҶДММ "Азиян Экспресс" ба таври муосир бунёд ва ба фаъолият шурӯъ намуда, чунин нуқта аз ҷониби ҶДММ "Рахш таксӣ" низ ба роҳ монда шуд.

Тавре Нуъмон Абдуғаффорзода хабар дод, Кумита ҳарчанд ки навтаъсис аст, вале барои рушди устувори соҳаи сайёҳӣ ва ҷалби таваҷҷуҳи ҷомеа ба имконият ва захираҳои сайёҳии Тоҷикистон, ҳавасманд гардонидани субъектҳои хоҷагидори соҳаи сайёҳӣ ва омодасозии мутахассисони соҳа як қатор корҳоро ба анҷом расонида, барои амалӣ кардани нақшаҳои минбаъда пайваста  кӯшиш ба харҷ медиҳад.

Аз ҷумла, тибқи Нақшаи чорабиниҳои Соли рушди сайёҳӣ ва ҳунарҳои мардумӣ дар ҳар як шаҳру ноҳияҳо марказҳои хизматрасонии сайёҳон ва на кам аз 2 ширкати сайёҳӣ таъсис дода мешаванд. Татбиқи тарҳи "Минтақаҳои Тоҷикистон" оғоз гардида, сомонаи интернетии сайёҳии тамоми шаҳру ноҳияҳои ҷумҳурӣ омода карда мешаванд. Айни замон сомонаҳои шаҳру ноҳияҳои Турсунзода, Ҳисор ва Шаҳринав омода карда шудаанд.

Имсол ҷаласаи навбатии Шўрои ИДМ ва СҲИ оид ба сайёҳӣ, Форуми байналмилалии сайёҳӣ ва бори нахуст Намоишгоҳи байналмилалии сайёҳӣ таҳти унвони "Тоҷикистон — сарзамини сайёҳӣ" бо ҷалби ширкатҳои сайёҳии ватанию хориҷӣ ва Созмони умумиҷаҳонии сайёҳӣ, Симпозиум ва Намоишгоҳи сайёҳӣ таҳти унвони "Наврўз мероси фарҳангии сайёҳӣ", фестивалҳои фарҳангиву сайёҳии "Марҳамат ба Хатлон!", "Суғди Бостон", "Марҳамат ба водии Рашт!", "Боми ҷаҳон", "Таомҳои миллӣ", иштироки мутахассисони Кумита ва ширкатҳои сайёҳӣ дар як қатор намоишгоҳҳои байналмилалии сайёҳӣ ва дигар чорабиниҳо ба нақша гирифта шудаанд.

Антон Кротов, архивное фото - Sputnik Тоҷикистон
Гардишгар: Тоҷикистон худ дарашро ба рӯи ҷаҳонгардон мебандад

Инчунин як қатор озмунҳо дар бахши сайёҳӣ баргузор карда мешаванд. Аз ҷониби Кумита дар ҳамкорӣ бо шарикони рушд вобаста ба таҳияи замимаҳои мобилӣ оид ба имкониятҳои сайёҳии Тоҷикистон дар шабакаи интернет, аз ҷумла, ба низоми интернетии Google, рушди тиҷоратикунонии соҳаи ҳунармандӣ ва таҳияи маҳсулоти сайёҳӣ озмун эълон карда шудааст.

Дар ҳамкорӣ бо бахши хусусӣ масъалаҳои истифодаи технологияҳои муосири коммуникатсионӣ дар соҳаи сайёҳӣ, аз ҷумла, роҳнамои онлайн, харитаҳои электронии сайёҳӣ, маълумот оид ба мавзеъҳои сайёҳӣ ва хизматрасонии ширкатҳои сайёҳӣ, меҳмонхонаву осоишгоҳҳо, тарабхонаҳо ва дигар самтҳои муосири хизматрасонӣ ба сайёҳон роҳандозӣ мешаванд.

Пештар хабар дода шуд, ки дар Душанбе таксиҳои нав "Рахш таксӣ" пайдо мешаванд.

Лентаи хабарҳо
0