11:24 29 марти 2020
Пахши мустақим
  • USD10.20
  • EUR11.19
  • RUB0.13
Дар Тоҷикистон
Гирифтани линки кӯтоҳ
83051

Раиси ҷамоати Ғафурҷон Ортиқови шаҳри Конибодом Ҳайдар Усмонзода аз як зани хуҷандӣ 15 ҳазор сомонӣ талаб кардааст

ДУШАНБЕ, 3 апр — Sputnik. Вазорати умури дохилаи Тоҷикистон хабар медиҳад, ки дар шаҳри Конибодом раиси ҷамоат ба иттиҳоми ришваситонӣ дастгир шуд.

Бино бар иттилои манбаъ,  Ҳайдар Усмонзодаи 55-соларо кормандони милисаи чанде пеш ҳангоми гузаронидани амалиёти бозҷӯӣ дастгир карданд.

"Раис, ба воситаи миёнарав, сармуҳосиби хоҷагии деҳқонӣ, зани 53-солаи сокини ҷамоати деҳоти Ортиқов, аз зани 27-солаи сокини шаҳри Хуҷанд, барои омода намудани ҳуҷҷатҳои замини наздиҳавлигӣ 15000-сомониро  талаб кардааст",- гуфта мешавад дар иттилои манбаъ.

Ҳайдар Усмонзодаро дар меҳмонхонаи "Шоми Қанд" ҳангоми гирифтани 15000 сомонӣ дастгир карданд.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

Барчаспҳо:
пора, Ҳайдар Усмонзода, Тоҷикистон

Мавзӯъҳои асосӣ