06:29 23 январи 2021
Пахши мустақим
  • USD11.30
  • EUR13.74
  • RUB0.15
Дар Тоҷикистон
Гирифтани линки кӯтоҳ
174 0 0

Гардишгарони хориҷӣ дар ин макон метавонанд ҳам табобат гиранд ва ҳам истироҳат кунанд

ДУШАНБЕ, 26 апр — Sputnik. Дар шимоли Тоҷикистон бо ибтикори Кумитаи гардишгарӣ, хатсайри нави сайёҳӣ боз шудааст, хабар медиҳад Тоҷик.ТА.

Дар ноҳияи Айнӣ хатсайри нави сайёҳии табобатию истироҳатӣ ташкил гардид.

Аз ин хатсайр, ки дар баробари мавзеъҳои таърихию фарҳангӣ, фарогири сайёҳати табобатию солимгардонӣ ва истироҳатии ноҳияи мазкур мебошад, намояндагони ширкатҳои сайёҳӣ аллакай боздид кардаанд.

Гуфта мешавад, ки хатсайри нав дар мавзеи Путхини ноҳияи Айнӣ бунёд ёфтааст.

Ширкатҳои сайёҳии ватанӣ хатсайри навро ба сайёҳони хориҷие, ки ба Тоҷикистон меоянд, муаррифӣ хоҳанд кард.

Дар ҳудуди ноҳияи Айнӣ мавзеъҳои таърихию фарҳангӣ ва сайёҳӣ зиёд буда, маъмултарини онҳо манораи Варзи Манор ва  "Искандаркӯл" мебошанд, ки миёни сайёҳони хориҷӣ шуҳратманданд.

Пештар хабар дода шуд, ки дар ҳудуди Помири Шарқӣ барои гардишгарон масири нави сайёҳӣ кушода мешавад.

Ин масир, бо иқдоми Ассотсиатсияи сайёҳӣ- экологии Помир имсол дар минтақаи Помири Шарқӣ ифтитоҳ хоҳад шуд.

Интизор меравад, ки бо кушода шудани хатсайри нав шумораи гардишгарон хоҳад афзуд.

Барчаспҳо:
хатсайри нав, Кумитаи гардишгарӣ, Айнӣ, Тоҷикистон

Мавзӯъҳои асосӣ