Арзиши тифли навзод дар Тоҷикистон 2 ҳазор сомонӣ будааст

CC0 / Pixabay / Младенец, архивное фото
Младенец, архивное фото - Sputnik Тоҷикистон
Обуна шудан
Кормандони ҳифзи ҳуқуқи Тоҷикистон зани 54- солаеро дастгир намуданд, ки тифли навзодро ба як зани дигар ба маблағи 2 ҳазор сомонӣ фурӯхтааст

ДУШАНБЕ, 21 май — Sputnik.  Бино ба иттилои Вазорати корҳои дохилаи Тоҷикистон ҳангоми амалиёти кормандони милисаи Тоҷикистон зани 54-солаи сокини шаҳри Кӯлоб, ки ба фурӯши кӯдаки ноболиғ гумонбар дониста мешавад, дастгир шудааст.

"Номбурда, моҳи марти соли 2018, бо маслиҳати пешакӣ бо зани 63-солаи сокини ҷамоати деҳоти Кӯлоби ҳамин шаҳр, рӯзи 9-уми апрели соли 2018, кӯдаки навзодро аз зани 30-солаи сокини ҳамин шаҳр, ки дар таваллудхонаи шаҳри Кӯлоб таввалуд кардааст, гирифта, ба зани 41-солаи сокини ноҳияи Шаҳринав, ба маблағи 2000-сомонӣ фурухта аст".

Инчунин манбаъ таъкид кардааст, ки шаҳрванди дастгиршуда маблағи ба даст овардаашонро ба манфиати шахсии худ сарф намудаанд.

Дар ҳоли ҳозир қазияи мазкур мавриди тафтиши кормандони умури дохилаи Тоҷикистон  қарор дорад.

Лентаи хабарҳо
0