18:17 18 ноябри 2019
Пахши мустақим
  • USD9.70
  • EUR10.73
  • RUB0.15
Муовини аввали вазири умури хориҷӣ бо дабири САҲА, акс аз бойгонӣ

Баррасии ҳамкории Тоҷикистон ва САҲА дар Вена

© Пресс-служба МИД РТ
Дар Тоҷикистон
Гирифтани линки кӯтоҳ
66 0 0

Исматулло Насредин, муовини вазири корҳои хориҷии Тоҷикистон бо Дабири кулли Созмони Амният ва Ҳамкорӣ дар Аврупо Томас Гремингер мулоқот кардааст

ДУШАНБЕ, 18 июл — Sputnik.  Исматулло Насредин, муовини вазири корҳои хориҷии Тоҷикистон, ки барои иштирок дар иҷлоси Кумитаи иқтисодӣ-муҳитизистии САҲА, дар шаҳри Вена қарор дорад, бо Дабири кулли ин созмон Томас Гремингер мулоқот намудаст.

Дар ин бора дафтари матбуоти Вазорати умури хориҷии Тоҷикистон иттилоъ додаст.

Ба иттилои манбаъ тарафҳо зимни мулоқот масъалаҳои марбут ба амнияти минтақавӣ, мубориза бо хатару чолишҳои муосир, рушду тавсеаи ҳамкориҳои Дафтари барномавии САҲА дар Душанбе бо ниҳодҳои дахлдори кишвар баррасӣ карданд.

Инчунин Исматулло Насредин бо Йоҳаннес Петерлик, Дабири кулли Вазорати корҳои хориҷии Австрия мулоқот анҷом додааст.

“Зимни мулоқот тарафҳо роҳҳои густариши муносибатҳои мутақобилан судманд миёни Тоҷикистон ва Австрияро дар марҳалаи кунунӣ ва дурнамои ҳамкориҳои гуногунҷанба дар соҳаҳои мухталиф ва дар доираи созмонҳои байналмилаливу минтақавӣ мавриди баррасӣ қарор доданд”, - хабар дод Вазорати умури хориҷӣ.

Исматулло Насредин бо Йоҳаннес Петерлик дар масъалаи густариши ҳамкориҳо дар соҳаҳои энергетика, илм, маориф, фарҳанг ва сайёҳиро баррасӣ кардаанд. 

 

Барчаспҳо:
вазири хориҷа, Австрия, САҲА, ҳамкорӣ, вазорати хориҷаи ҶТ

Мавзӯъҳои асосӣ