08:35 18 октябри 2019
Пахши мустақим
  • USD9.69
  • EUR10.77
  • RUB0.15
Корд, акс аз бойгонӣ

Ба меҳмонӣ рафту корд зад: боздошти сокини ноҳияи Бобоҷон Ғафуров

CC0 / Pixabay
Дар Тоҷикистон
Гирифтани линки кӯтоҳ
467 0 0

Нисбати муттаҳам бо моддаи 110 қисми 1 Кодекси ҷиноии ҶТ парвандаи ҷиноӣ боз шуда, тафтишот идома дорад

ДУШАНБЕ, 25 июл — Sputnik. Дар ноҳияи Бобоҷон Ғафуров марде ба манзили шиносаш меҳмон шуда, кордкашӣ кардааст. Дар ин бора Вазорати умури дохилаи Тоҷикистон хабар медиҳад.

Бино бар иттилои манбаъ, гумонбар, сокини 23-солаи ноҳияи Бобоҷон Ғафуров буда, ҳодиса дар ҷамоати деҳоти Исфисори ноҳияи мазкур рух додааст.

"Муттаҳам ҳангоми дар хонаи марди 24-солаи сокини ҷамоати деҳоти Исфисори ноҳияи мазкур қарор доштанаш, бо марди 21-сола ҷангу ҷанҷол карда, корди дар дасташ бударо ба тарафи ӯ ҳавола додааст, ки дар натиҷа корд ба қисмати рости шиками охирин задааст", — тавзеҳ медиҳад ВУД,

Мувофиқи маълумотномаи Ташхиси судӣ-тиббӣ ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.

Нисбати марди гумонбар парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

Барчаспҳо:
меҳмонӣ, муттаҳам, кордкашӣ, ноҳияи Бобоҷон Ғафуров, Тоҷикистон

Мавзӯъҳои асосӣ