Боздошти муовини сардухтур ҳангоми порагирӣ дар ошхонаи "Эҳрон"

© Sputnik / Константин Чалабов / Гузариш ба медиабонкВрач в больнице, архивное фото
Врач в больнице, архивное фото - Sputnik Тоҷикистон
Обуна шудан
Ожонси мубориза бо фасоди Тоҷикистон аз боздошти Ғиёсиддин Абдураҳмонов, муовини сардухтури беморхонаи ҳарбии шаҳри Бустони вилояти Суғд хабар дод

ДУШАНБЕ, 8 авг — Sputnik.  Тибқи иттилоияи Ожонсӣ, Абдураҳмонов бо сӯиистифода аз мақоми хизматиаш ба боварии шаҳрванд "А" даромада, аз ӯ барои озод намудани сарбози қатории қисми низомии №04080-и Вазорати мудофиа дар шаҳри Конибодом ба далели беморӣ,  22 000 ҳазор сомонӣ талаб кардааст.

Взятка медику, архивное фото - Sputnik Тоҷикистон
Муаллиму духтур дар сархати порахӯрони Тоҷикистон

Ба иттилои манбаъ аз маблағи талабкарда муттаҳам  17  ҳазор сомониашро дар се ҳолат гирифта, боз оварда додани маблағи 5  ҳазор сомонии боқимондаро талаб кардааст.

"Зимни гузаронидани чорабиниҳои оперативӣ — тафтишотӣ,  Абдураҳмонов дар дохили ошхонаи "Эҳрон"-и шаҳри Бӯстон, ҳангоми аз шаҳрванд "А" гирифтани маблағи 5  ҳазор сомонӣ дастгир карда шуда, маблағи мазкур аз ў ҳамчун далели шайъи ёфта гирифта шуд", —омадааст дар иттилоия.

Ожонсӣ таъкид намудааст, ки алайҳи Абдураҳмонов Ғиёсиддин Занҷирович,   бо иттиҳоми қаллобӣ парвандаи ҷиноятӣ оғоз карда шуда, тафтишоти пешакии он идома дорад.

Лентаи хабарҳо
0