18:18 18 августи 2019
Пахши мустақим
  • USD9.44
  • EUR10.46
  • RUB0.14
Вертолет Ми-8, акс аз бойгонӣ

Вазъи ваҳими ду кӯҳнавард ва бозгашти се нафари онҳо ба Русия

© Sputnik / Игорь Онучин
Дар Тоҷикистон
Гирифтани линки кӯтоҳ
Нишасти изтирории чархболи МИ-8 дар шарқи Тоҷикистон (5)
217 0 0

Кӯҳнавардонро пас аз наҷот додан ба бемористони Истиқлоли пойтахт бистарӣ кардаанд. Се нафар аз кӯҳнавардони рус имрӯз ба Русия баргаштанд

ДУШАНБЕ, 14 авг — Sputnik. Кумитаи ҳолатҳои фавқуллодаи Тоҷикистон имрӯз, 14 август хабар дод, ки кӯҳнавардони дар суқути чархболи Ми-8 осебдида, дар бемористони Истиқлоли Душанбе бистарӣ шудаанд.

Бино бар иттилои манбаъ, се тан аз ҷабрдидагон-шаҳрвандони Русия пас аз як рӯзи табобат дар бемористон ба Ватан интиқол ёфтаанд.

"Се кӯҳнавард ба ватанашон Русия баргаштанд. Ҳоло дар бемористон 9 тан аз ҷабрдидагони ин садама бисторӣ ҳастанд", — гуфта мешавад дар иттилои манбаъ.

Табибон вазъи ду кӯҳнавардро, ки яке шаҳрванди Испания ва дигаре Русия ҳастанд, ваҳим арзёбӣ кардаанд.

" Табибони бемористони Истиқлол мегӯянд, ҳама чораҳои имконпазирро барои наҷоти ҷони захмиён меандешанд. Дар мавриди ҳоли 7 нафари дигар духтурон хушбинанд ва мегӯянд иддае хеле ба зудӣ аз бемористон хориҷ мешаванд", — афзудааст КҲФ.

Ёдрас мешавем пештар хабар дода шуд, ки садамаи чархбол 12 август соати 16:30  дар поёноби пиряхи Фортамбек дар минтақаи ноҳияи Лахши вилояти Хатлон рух додааст. Дар пайи ин ҳодиса се кӯҳнавард ва ду сарнишин ҳалок шуданд.

Мавзуҳо:
Нишасти изтирории чархболи МИ-8 дар шарқи Тоҷикистон (5)
Барчаспҳо:
чархбол, Русия, Тоҷикистон

Мавзӯъҳои асосӣ