01:56 23 сентябри 2018
Пахши мустақим
  • USD9.42
  • EUR11.06
  • RUB0.14
дастгиршудагон пушти панҷара, акс аз бойгонӣ

Дар шаҳри Санкт-Петербург гурӯҳи ҷинояткорони тоҷик дастгир шуд

© Sputnik / Евгений Биятов
Дар Тоҷикистон
Гирифтани линки кӯтоҳ
28401

Пулиси шаҳри Санкт-Петербурги Русия шаш аъзои гурӯҳи ҷинояткоронеро, ки шаҳрванди Тоҷикистон мебошанд, дастгир намуд. Гумонбаршудагон ба ду ҳолати роҳзанӣ дар майдонҳои сохтмонӣ айбдор мешаванд

ДУШАНБЕ, 7 сен — Sputnik. Дар шаҳри Санкт-Петербурги Русия гурӯҳи ҷинояткорони тоҷик ошкор шуд, ки аъзоёнаш ба ҳамлаву ғоратгарии мағозаҳо, майдонҳои сохтмонӣ ва идораҳои букмекерӣ машғул буданд, итилоъ додааст хабаргузории "Фонтанка".

Пулиси шаҳри Санкт-Петербург шаш аъзои ин гурӯҳро, ки ҳамааш шаҳрвандони Тоҷикистон мебошанд, дастгир намудааст.

Гумонбаршудагон ба ду ҳолати роҳзанӣ дар майдонҳои сохтмонӣ айбдор мешаванд. Гумонбаршудагон ба майдонҳои сохтмонӣ ҳамла намуда маоши сохтмончиёнро ғорат мекардаанд. Чунин ҳолат рӯзи 4 сентябр дар хиёбони Комендантский сурат гирифт, ки дар натиҷа 6 милион рубл ғорат карда шуд.

Кормандони пулиси шаҳри Санкт-Петербург шаш шаҳрванди Тоҷикистон дар ҷои истиқоматашон дастгир намуданд. Бузургтарин гумонбаршуда 30-сола мебоашд. Роҳбари гурӯҳ 28 сола, аммо хурдтарин аъзои ин гурӯҳ бо лақаби "Вайс" 25-сола будааст. 

Барчаспҳо:
ғоратгарӣ, гурӯҳ, ҷинояткорон, тоҷикон, тоҷик, Тоҷикистон, Русия

Мавзӯъҳои асосӣ