02:25 23 сентябри 2018
Пахши мустақим
  • USD9.42
  • EUR11.06
  • RUB0.14
Дуо, ҳангоми таҷлили Иди Қурбон дар Маскав, акс аз бойгонӣ

Ҷаримаи муҳоҷирбача барои кушодани дастархону додани таом дар "чил"-и падар

© Sputnik / Рамиль Ситдиков
Дар Тоҷикистон
Гирифтани линки кӯтоҳ
63910

Додгоҳи ноҳияи Файзобод Наврӯзбек Давлатовро барои кушодани дастархону додани як таом дар маъракаи "чил" - и падараш 5 ҳазор сомонӣ ҷарима баст

ДУШАНБЕ, 14 сен — Sputnik. Файзулло Мирзода, додраси додгоҳи ноҳияи Файзобод ба хабаргузории "Ховар" иттилоъ додааст, ки Давлатов, сокини деҳаи Қасамдараи  ноҳияи мазкур, ҳангоми гузарондани маъракаи "чил"-и падараш қонуншиканӣ кардааст.

Ба иттилои додрас, бар асоси  қисми 2-и моддаи  11-и  Қонун "Дар бораи танзими анъана ва ҷашну маросимҳо дар Ҷумҳурии Тоҷикистон", маросими "се", "чил" ва "сол" бояд бе забҳи чорво ва додани таом  баргузор карда шавад.

"Аммо Давлатов ин маъракаро бо иштироки васеи ҳамсояҳою меҳмонони зиёд ва бо кушодани дастархону  додани як таом гузаронидааст", — изҳор доштааст додрас.

Манбаъ навиштааст Наврӯзбек Давлатов соҳиби се фарзанд буда, айни замон дар муҳоҷирати меҳнатӣ қарор дорад ва сатҳи зиндагияш паст мебошад.

"Вале ба ҳамаи ин мушкилоти зиндагӣ нигоҳ накарда, ӯ бо сарфи маблағи зиёд ва риоя накардани қонунгузории кишвар маъракаи «чил» —и падарашро  бодабдаба гузаронидааст", — таъкид кардааст манбаъ.

Барчаспҳо:
"чил", маърака, Қонуни танзими ҷашну маросим, ҷарима, Тоҷикистон

Мавзӯъҳои асосӣ