12:07 21 майи 2019
Пахши мустақим
  • USD9.44
  • EUR10.54
  • RUB0.15
Телефон, акс аз бойгонӣ

Огоҳсозии мардум аз хатарҳо: гуфтушуниди КҲФ бо ширкатҳои мобилӣ

CC0 / Pixabay
Дар Тоҷикистон
Гирифтани линки кӯтоҳ
50210

Кумитаи ҳолатҳои фавқулоддаи Тоҷикистон барои огоҳсозии мардум аз хатарҳою ҳолатҳои фавқулодда бо ширкатҳои мобилии кишвар гуфтушунид дорад

ДУШАНБЕ, 20 сен — Sputnik. Тибқи иттилои КҲФ, аҳолӣ бояд сари вақт тавсияҳоеро дарёфт намояд, ки барои пешгирӣ аз ҳар гуна хатарҳо аз офатҳои табиӣ ба он ниёз дорад.

Ин ниҳод барои огоҳсозии мардум телефонҳои ҳамроҳро беҳтарин восита хондааст, ки аксарияти аҳолии кишвар - донишҷӯён, коргарон, хонандагони мактабҳои миёна, солмандону нафақахӯрон аз телефонҳои ҳамроҳ истифода мебаранд.

“Бинобар ин КҲФ тасмим гирифт бо ширкатҳои мобилии мамлакат дар самти хабаррасонӣ ба аҳолӣ ҳамкорӣ кунад”- омадааст дар иттилоияи ин ниҳод.

Манбаъ афзуд, ки бо ин мақсад дар вилояти Хатлон ҷаласаи муштараки роҳбарияти Раёсати КҲФ бо роҳбарони ширкатҳои мобилии  “Вавилон-Мобайл”, “Таком”, “Tcell” ва “Тоҷиктелеком” баргузор шуд.

Дар рафти мулоқот масъалаҳои ба аҳолӣ расонидани хабару огоҳиҳо тариқи паёмакҳо ва ҳамчунин нишон додани рақамҳои фаврӣ, ки корафтодагон метавонанд оҷилан барои кумак муроҷиат кунанд, баррасӣ гардид.

Барчаспҳо:
огоҳӣ аз хатар, паёмак, телефон

Мавзӯъҳои асосӣ