22:31 13 декабри 2018
Пахши мустақим
  • USD9.43
  • EUR10.73
  • RUB0.14
Гулдаста, акс аз бойгонӣ

Ҷаримаи падари арӯс ва шарҳи додситонӣ: тӯй бояд чигуна гузарад?

CC0 / Pixabay
Дар Тоҷикистон
Гирифтани линки кӯтоҳ
61621

Додситонии кулли Тоҷикистон аз ҷаримабандии Мумин Қосимов, сокини шаҳри Ҳисор барои нақзи қонуни танзим ҳангоми гузарондани тӯйи духтараш хабар дод

ДУШАНБЕ, 12 ноя — Sputnik. Додситонии кулли Тоҷикистон мегӯяд, бар асоси қонунгузории кишвар, "тӯйи домодию арӯсӣ дар давоми на бештар аз ду рӯз ба таври ихтиёрӣ бо оростани зиёфат барои то 150 нафар ва додани оши тӯй барои 200 нафар аз ҳисоби ҳар ду ҷониб гузаронда мешавад".

Манбаъ таъкид намудааст, ки ин меъёр талаботи моддаи 8-и қонун “Дар бораи танзими анъана ва ҷашну маросим дар Ҷумҳурии Тоҷикистон” мебошад.

Ба иттилои додситонӣ, Қосимов Мумин рӯзи 1 сентябри соли 2018 ҳангоми тӯйи духтараш - Ёсуман, аз соати 07:00 то 10:00 ба хешу табор ва аҳолии деҳа оши тӯй дода, боз худи ҳамон рӯз аз соати 20:00 то соати 22:00 дар манзили истиқоматиаш барои зиёда аз 50 нафар хешу табораш ғизо омода карда, зиёфат додааст.

Додгоҳ Қосимовро дар нақзи қонуни танзим гунаҳкор дониста, ба андозаи 100 нишондиҳанда барои ҳисобҳо, муодили 5 ҳазор сомонӣ ҷарима бастааст.

Мавзӯъҳои асосӣ