11:29 15 декабри 2018
Пахши мустақим
  • USD9.42
  • EUR10.64
  • RUB0.14
Бинои ВУД дар Душанбе, акс аз бойгонӣ

Бозори фаҳш дар Душанбе: аз мизоҷони ноболиғ то танфурӯшҳои 300-долларӣ

© Sputnik / Амир Исаев
Дар Тоҷикистон
Гирифтани линки кӯтоҳ
1595 0 0

Вазорати умури дохилии Тоҷикистон аз боздошти ду сокини Душанбе – марди 24-сола ва зани 22-сола хабар додааст, ки дар бозори танфурӯшии пойтахт ба даллагӣ машғул шудаанд

ДУШАНБЕ, 26 ноя — Sputnik.  Тибқи иттилои Вазорати умури дохоилӣ, маъмурини милиса, зани 22-солаи сокини кӯчаи А.Ғуломов, муваққатан истиқоматкунандаи кӯчаи Маяковскийро бо гумони даллагӣ дастгир намудаанд.

Манбаъ мегӯяд, ҷавонзани муттаҳам аз се мард дар пойтахт барои алоқаи ҷинсӣ бо ҷавонзанҳои 21, 22 ва 27-сола 300 доллари амрикоӣ гирифтааст.

“Номбурда, ба даллагӣ машғул шуда, санаи 24-уми ноябри соли 2018, тахминан соати 17:30-дақиқа, барои қонеъ намудани талаботи шаҳвонии шаҳрвандон - марди 26-солаи сокини шаҳри Хуҷанд, марди 21-солаи сокини шаҳри Турсунзода, марди 33-солаи сокини шаҳри Душанбе онҳоро бо занони 22, 21 ва 27-солаи сокинони шаҳри Душанбе шинос намуда, аз онҳо 300-доллари амрикоӣ мукофотпулӣ гирифтааст”, - омадааст дар иттилоияи ВУД.

Мақомоти умури дохилӣ афзуданд, ки инчунин марди 24-сола,  сокини кӯчаи Борбади шаҳри Душанберо бо гумони даллагӣ дастгир намуданд, киҷавони ноболиғ барои алоқаи ҷинсӣ бо зани 36-сола шинос карда, 170 сомонӣ гирифтааст.

“Номбурда, ба даллагӣ машғул шуда, рӯзи 23-юми ноябри соли 2018 марди 17-сола,  сокини ноҳияи Восеъро бо зани 36-солаи сокини кӯчаи Гипрозем барои алоқаи ҷинсӣ шинос карда, аз онҳо 170-сомонӣ мукофотпулӣ гирифтааст”, - изҳор доштааст ВУД.

Манбаъ таъкид намудааст, ки феълан аз рӯи ин ҳодисаҳо тафтишот идома дорад.

Мавзӯъҳои асосӣ