Раиси вилдояти Суғд: бо донишҷӯён мулоқот кунед

Обуна шудан
Раиси вилояти Суғд ҷадвали вохӯрии раисони шаҳру ноҳияҳо бо донишҷӯёнро ба имзо расонидааст

ДУШАНБЕ, 3 дек — Sputnik.  Аз 5 то 20 декабри соли равон раисони шаҳру ноҳияҳои вилояти Суғд дар маркази вилоят бо донишҷӯёни муассисаҳои таҳсилоти олӣ ва миёнаи касбӣ мулоқот хоҳанд кард.

Дар дарс - Sputnik Тоҷикистон
Дар Тоҷикистон муаллим, донишҷӯ ва талабаи беҳтаринро муайян карданд

Дар ин бора дафтари матбуоти ҳукумати вилояти Суғд хабар додааст.

Бино бар иттилои манбаъ, ҷадвали вохӯрии раисони шаҳру ноҳияҳо бо донишҷӯён аз ҷониби Раиси вилоят Раҷаббой Аҳмадзода тасдиқ гардидаст.

Қарор аст, мулоқот бо ҷавонон дар Кохи фарҳанги ба номи Абӯабдуллоҳ Рӯдакӣ,  Театри мазҳака-мусиқии ба номи Камоли Хуҷандӣ ва Кохи фарҳанги Суғдиён баргузор гардад.

Манбаъ таъкид намудааст, ки зимни вохӯриҳо ба донишҷӯён аз оилаҳои камбизоат таваҷҷуҳи хоса зоҳир дода мешавад. Инчунин, ба онҳо туҳфаҳои солинавӣ тақдим карда мешавад.

Лентаи хабарҳо
0