23:00 13 декабри 2018
Пахши мустақим
  • USD9.43
  • EUR10.73
  • RUB0.14
Арест, архивное фото

Заминфурӯшӣ дар Панҷакент: 37 ҳазор сомонӣ гирифту ба ваъдааш вафо накард

© Sputnik / Илья Питалев
Дар Тоҷикистон
Гирифтани линки кӯтоҳ
185 0 0

Муттаҳам аз як сокини шаҳр маблағи зиёд гирифта, бар ивазаш замини наздиҳавлигӣ ваъда кардааст. Милисаҳои Панҷакент ӯро ба иттиҳоми қаллобӣ боздошт кардаанд

ДУШАНБЕ, 7 дек — Sputnik. Дар Панҷакент марде ба иттиҳоми қаллобӣ дастгир шуд, хабар медиҳад Вазорати умури дохилаи Тоҷикистон.

Бино бар иттилои манбаъ, кормандони ниҳод дар ин шаҳр ҳангоми чораҳои оперативӣ марди 35-солаеро, ки сокини ҷамоати деҳоти Косатарош будааст, дастгир кардаанд.

Мард ба қаллобӣ муттаҳам мешавад, менависад манбаъ.

"Тафтишот муайян намуд, ки ӯ 14-уми апрели соли 2018, бо роҳи фиреб ба боварии марди 58-солаи шаҳри зикргардида даромада, аз ӯ 37 000-сомониро гирифта ваъда додааст, ки аз мавзеи Мармари ҳамин ҷамоат, қитъаи замини назди ҳавлигӣ дар масоҳати 0,8 га, гирифта медиҳад", - омадааст дар иттилои манбаъ.

Гумонбаршаванда дар ҳабси пешакӣ қарор дошта, тафтишот идома дорад.

Мавзӯъҳои асосӣ