00:08 19 феврали 2019
Пахши мустақим
  • USD9.44
  • EUR10.69
  • RUB0.14
Новый глава города Гулистон Фирдавс Шарифзода встретился с студентами города

Раиси тозатаъини шаҳри Гулистон бо донишҷуён суҳбат карду кӯмакпулӣ дод

© Исполнительный орган государственной власти Согдийской области
Дар Тоҷикистон
Гирифтани линки кӯтоҳ
661 0 0

Фирдавс Шарифзода, иҷрокунандаи вазифаи раиси шаҳри Гулистон ҷалби мутахассисони ҷавонро ба соҳаҳои хоҷагии халқи шаҳр яке аз самтҳои асосии фаъолияташ донист

ДУШАНБЕ, 14 дек — Sputnik. Рӯзи 13 декабри соли равон дар толори Театри ба номи Камоли Хуҷандӣ мулоқоти Фирдавс Шарифзода, иҷрокунандаи вазифаи раиси шаҳри Гулистон бо ҷавонони шаҳр, ки дар муассисаҳои таҳсилоти олӣ ва миёнаи касбии маркази вилоят таҳсил мекунанд, баргузор гардид.

Дар ин бора дафтари матбуоти ҳукумати вилояти Суғд хабар додааст.

Бино бар иттилои манбаъ, зимни мулоқот ба ҷавонон Фирдавс Шарифзода, таъкид намуд, ки соҳаи саноати шаҳр бомайлон пеш меравад ва эҳтиёҷот ба қувваи корӣ сол то сол афзоиш меёбад.

“Барои шаҳри саноатӣ мутахассисони соҳибтахассус, заҳматписанд ва кордон хеле заруранд ва масъулини мақомоти иҷроияи ҳокимияти давлатии шаҳр ҷалби мутахассисони ҷавонро ба соҳаҳои хоҷагии халқи шаҳр яке аз самтҳои асосии фаъолияти хеш қарор додаанд”, -гуфтааст Фирдавс Шарифзода.

Инчунин, зимни мулоқот раиси шаҳр ба беш аз 80 нафар донишҷӯёни аълохон, фаъол ва аз оилаҳои эҳтиёҷманд кумакпулиҳои яквақта супорид.

Мавзӯъҳои асосӣ