ДУШАНБЕ, 23 дек — Sputnik. Бино бар иттилои дафтари матбуоти ҳукумати вилояти Суғд, бо фармоиши директори Агентии беҳдошти замин ва обёрии назди Ҳукумати Тоҷикистон, Тоҳир Қудратзода сардори Раёсати беҳдошти замин ва обёрии вилояти Суғд таъин гардид.
Пештар Тоҳир Қудратзода, дар вазифаи сардори Идораи сохтмони асосии вилоят фаъолият мекард.
Инчунин бо фармони раиси Палатаи савдо ва саноати Тоҷикистон, Муҳаммадҷон Муҳаммедҷонов директори кулли Палатаи савдо ва саноати вилояти Суғд ва бо фармоиши раиси Кумитаи бехатарии озуқавории назди Ҳукумати Тоҷикистон Аъзамҷон Валиев сардори Раёсати Кумитаи бехатарии озуқавории назди Ҳукумати Ҷумҳурии Тоҷикистон дар вилояти Суғд таъин шуданд.
