ДУШАНБЕ, 11 янв — Sputnik. Раёсати Вазорати умури дохила дар шаҳри Душанбе хабар медиҳад, ки ду ҷавонро ба иттиҳоми дуздии 36 телефони мобилӣ дастгир кардааст.
Бино бар иттилои манбаъ, ҷавонон - яке 22 сол дошта, сокини ноҳияи Фархор ва дигар 24-сола сокини ноҳияи Душанбе дар рафти чорабиниҳои оперативӣ дастгир гардидаанд.
Гуфта мешавад, муттаҳамон моҳи ноябр, тақрибан соатҳои 5-и субҳ бо роҳи пинҳонӣ ба мағозаи хусусӣ, воқеъ дар бозори “Панҷшер”-и Душанбе даромадаанд.
"Онҳо аз он ҷо 36-адад телефонҳои мобилии гуногунтамға ва 7000-сомониро дуздида, аз ҷойи ҳодиса ғайб задаанд", - гуфта мешавад дар иттилои манбаъ.
Зарари расонидашуда 43000-сомониро ташкил медиҳад. Ба иттилои раёсат, тафтишоти ҳодиса идома дорад.
