ДУШАНБЕ, 21 янв — Sputnik. Дар ин бора дафтари матбуоти раисиҷумҳури Тоҷикистон иттилоъ дода, афзуд, аз ҳисоби 2 намуди андоз, аз ҷумла андоз аз даромад 8,3 миллион сомонӣ ва андоз аз арзиши иловашуда 411,3 миллион сомонӣ ба буҷа ворид нагардид.
Масъулини умури молияи Тоҷикистон гузориш додаанд, ки бо вуҷуди ин, қисми умумии даромади буҷети давлатӣ 100,3 фоиз таъмин шуда, ба он 23,3 миллиард сомонӣ ворид гардид. Нишондоди мазкур нисбат ба нақша 71,4 миллион сомонӣ зиёд мебошад.
“Дар давраи ҳисоботӣ нақшаи воридоти андозҳо аз ҷониби мақомоти андоз 100,6 фоиз ва Хадамоти гумрук 101,2 фоиз таъмин карда шуд”, - омадааст дар иттилоияи дафтари матбуоти раисиҷумҳур.
Манбаъ афзуд, ки ҳаҷми бақияпулиҳои андозӣ нисбат ба аввали соли 2018-ум 59,2 миллион сомонӣ кам карда шуд ва ба ҳолати 31 декабри соли ҳисоботӣ 712 миллион сомониро ташкил дод.
Эмомалӣ Раҳмон барои кам намудани ҳаҷми бақияпулиҳои андоз андешидани тадбирҳои таъхирнопазирро аз ҷониби Ҳукумати кишвар талаб кардааст.
