Портфели - Sputnik Тоҷикистон
Тағйироти кадрӣ дар Тоҷикистон
Хабарҳои дигари таъйину барканориҳо дар Тоҷикистонро аз ин пайванд пайдо мекунед

Тағйироти кадрӣ: таъини раисони “Тоҷик Эйр”, “Амонатбонк” ва мансаби писари Убайдуллоев

Обуна шудан
Эмомалӣ Раҳмон, раисиҷумҳури Тоҷикистон имрӯз дар “Амонатбонк”, “Тоҷик Эйр”, вазоратҳо, ҳукумати Суғд, дастгоҳи иҷроияи Президент ва идораҳои дигари давлатӣ тағйироти кадриро амалӣ кард

ДУШАНБЕ, 22 янв — Sputnik. Тибқи иттилои дафтари матбуоти раисиҷумҳури Тоҷикистон, барои роҳ додан ба камбудию норасоиҳои ҷиддӣ, раиси “Амонатбонк” Руҳулло Ҳакимзода ва мудири “Тоҷик Эйр” Хайрулло Раҳимов аз вазифа озод карда шуданд.

Президент Таджикистана Эмомали Рахмон во время заседания Совета коллективной безопасности ОДКБ в Астане - Sputnik Тоҷикистон
Аз маҳал то вазоратнишинҳо: раисиҷумҳур аз мансабдорон хост, бо муҳоҷирон наздиктар бошанд

Манбаъ афзуд, бо қарорҳои Ҳукумат, Икромӣ Сироҷиддин Салом, раиси нави “Амонатбонк” ва Исматуллозода Дилшод Абдуғаффор - директори генералии Ҷамъияти саҳҳомии кушодаи “Тоҷик Эйр” таъин карда шуданд. Икромӣ Сироҷиддин, то ҳол муовини раиси Бонки миллӣ ва Дилшод Исматуллозода, муовини раиси Дастгоҳи иҷроияи раисиҷумҳури Тоҷикистон буд.

Бо фармонҳои раисиҷумҳур, Ғафурзода Абдухалил Давлаталӣ ба вазифаи ректори Донишкадаи идоракунии давлатии назди президенти Тоҷикистон”, Саидзода Иззатулло Ҳабибулло - директори Маркази миллии қонунгузории назди раисиҷумҳур ва Маҳмадшозода Фарҳод Абдураҳмон - муовини директори Маркази миллии қонунгузории назди раисиҷумҳур таъин гардиданд.

Инчунин тибқи қарорҳои Ҳукумат, Ҳалимзод Абдураҳмон Достӣ ва Гулмуродзода Карим Гулмурод ба вазифаи муовинони вазири молия таъин гардиданд.

Озода Рахмон, архивное фото - Sputnik Тоҷикистон
Супориш ба Озода Раҳмон барои муайянсозӣ ва муҷозоти мансабдорони дурӯғгӯю бемасъулият

Сафарзода Бахтиёр, мақоми муовини директори генералии Корхонаи воҳиди давлатии “Хоҷагии манзилию коммуналӣ” гирифтааст.  

Бар асоси амрҳои раисиҷумҳури Тоҷикистон дар сохтори Дастгоҳи иҷроияи Президент низ тағйироти кадрӣ сурат гирифт.

Аз ҷумла, Қурбонзода Исоҷон Ятим - сардори раёсати рушди инфрасохтори Дастгоҳи иҷроияи президент, Абдухолиқзода Лутфия Абдухолиқ аз вазифаи ректори Донишкадаи идоракунии давлатии назди Президенти  Тоҷикистон озод ва ба вазифаи сардори раёсати илму маърифати Дастгоҳи иҷроия, Мирзозода Сунатулло Сироҷиддин - сардори раёсати ҳуқуқи Дастгоҳи иҷроия, Наимӣ Аъламхон Қодириён аз вазифаи мудири бахши Раёсати молия озод ва ба вазифаи сардори раёсати молияи Дастгоҳи иҷроияи президент таъин шуданд.

Мэр города Душанбе Рустам Эмомали, архивное фото - Sputnik Тоҷикистон
Таърифи Раҳмон аз ниятҳои Рустами Эмомалӣ дар ВМКБ ва тақозои таъмини нақлиёт дар Душанбе

Раисиҷумҳур инчунин Убайдуллоҳ Амирҷон Маҳмадсаид, писари Маҳмадсаид Убайдуллоевро аз вазифаи муовини сардори раёсати молияи Дастгоҳи иҷроияи раисиҷумҳур барканор намуда, ба вазифаи мушовири калони бахши ёрдамчии Президент дар масъалаҳои иқтисодӣ таъин кардааст.

Бо қарори Ҳукумат, Хол Ҳайдар аз вазифаи муовини якуми вазири саноат ва технологияҳои нав озод гардида, ба вазифаи муовини якуми раиси вилояти Суғд таъин шудааст. Шарипов Бахтиёр Маҳмудович муовини якуми вазири саноат ва технологияҳои нави Тоҷикистон таъин гардид.

Эмомалӣ Раҳмон аз кадрҳои навтаъин фаъолият бо дасту дили пок ва масъулиятро талаб кардааст.

Лентаи хабарҳо
0