ДУШАНБЕ, 28 янв — Sputnik. Тибқи иттилоияи расмии обуҳавошиносон, ҳаво дар Вилояти Мухтори Кӯҳистони Бадахшон тағйирёбандаи бебориш дар назар буда, дар ғарби вилоят шабона 17-22 ва рӯзона 5-10 дараҷа сард мешавад.
Дар шарқи вилоят ҳаво шабона 32-37 ва рӯзона 16-21 дараҷа сард мегардад.
Дар вилояти Суғд шамол дар назар буда, ҳаво дар водиҳо шабона -3+2, рӯзона 5-10 дараҷа гарм шуда, дар кӯҳҳо шабона 13-18 ва рӯзона 0-5 дараҷа сард хоҳад шуд.
Манбаъ меафзояд, ки ки дар вилояти Хатлон низ ҳавои тағйирёбандаи бебориш дар назар буда, ҳаво дар водиҳо шабона -3+2 ва рӯзона 8-13 дараҷа гарм мешавад. Дар доманакӯҳҳо ҳаво шабона 2-7 дараҷа сард ва рӯзона 2-7 дараҷа гарм хоҳад шуд.
Дар шаҳру ноҳияҳои тобеи марказ ҳаво дар водиҳо шабона 2-7 дараҷа сард ва рӯзона 7-12 дараҷа гарм мешавад. Дар кӯҳҳо шабона 11-16 ва рӯзона 1-6 дараҷа сард мегардад.
Дар шаҳри Душанбе ҳавои абрноки бебориш дар назар аст. Ҳаво шабона 2-4 дараҷа сард ва рӯзона 10-12 дараҷа гарм мешавад.