Ҳавопаймоҳои “Сомон Эйр” аз ин пас аз фурудгоҳи нави Истанбул истифода мекунанд

© © Пресс-служба "Сомон Эйр"Сомон Эйр представила новую униформу для бортпроводников и пилотов
Сомон Эйр представила новую униформу для бортпроводников и пилотов - Sputnik Тоҷикистон
Обуна шудан
Тасмими парвози ҳавопаймоҳои “Сомон Эйр” аз ин пас ба фурудгоҳи нави Истанбул бо сабаби пурра гузаштани тамоми хатсайрҳо ба фурудгоҳи “Ataturk” мебошад

ДУШАНБЕ, 5 фев – Sputnik. Ҳавопаймоҳои  ширкати ҳавоии “Сомон Эйр” минбаъд аз фурудгоҳи нави Истанбул истифода  менамоянд, иттилоъ додааст ожонсии “Ховар”.

Самолет авиакомпании Somon air. архивное фото - Sputnik Тоҷикистон
“Сомон Эйр” дар гаронии чиптаҳояш миёнаравҳоро гунаҳкор медонад

Манбаъ афзудааст, ки ин тасмим бо сабаби пурра гузаштани тамоми хатсайрҳо ба фурудгоҳи “Ataturk” гирифта шудааст. Дар ин росто, шурӯъ аз 3 март ҳавопаймоҳои  “Сомон Эйр”  парвозҳоро ба фурудгоҳи нави шаҳри Истанбул анҷом медиҳанд.

Фурудгоҳи нав аз бузургтарин фурудгоҳҳои ҷаҳон эътироф шудааст. Он тақрибан 40 км дуртар аз маркази Истанбул, дар наздикии баҳри Сиёҳ доман густурдааст.

Мусаллам аст, ки ширкати ҳавопаймоии «Сомон Эйр» феълан парвозҳоро дар самти Душанбе-Истанбул ҳафтае се маротиба – рӯзҳои сешанбе, ҷумъа ва якшанбе иҷро мекунад. 

Самолет авиакомпании Сомон Эйр, архивное фото - Sputnik Тоҷикистон
Оғози парвозҳои “Сомон Эйр” ба фурудгоҳи Жуковский
Вақти парвоз аз Фурудгоҳи байналмилалии Душанбе соати 18:00 буда, аз фурудгоҳи Истанбул соати 22:40 ба вақти маҳаллӣ мебошад. Хатсайрҳо дар ҳавопаймоҳои Боинг 737-800 ва -900 иҷро мегарданд.

Айни ҳол ширкати ҳавопаймоии “Сомон Эйр” парвозҳоро аз Тоҷикистон ба Германия, Амороти Муттаҳидаи Араб, Туркия, Чин, Россия, Қазоқистон ва Узбакистон бо муваффақият иҷро мекунад. Парки ширкати ҳавопаймоӣ аз ҳавопаймоҳои Боинг 737-300, -800 ва -900 иборат мебошад.

Лентаи хабарҳо
0