Милисаҳои тоҷик директори ширкати "Седьмой Континент"-ро ба гумони қаллобӣ дастгир карданд

© Sputnik / Евгений Биятов / Гузариш ба медиабонкРуки задержаного в наручниках, архивное фото
Руки задержаного в наручниках, архивное фото - Sputnik Тоҷикистон
Обуна шудан
Номбурда, моҳҳои январ-марти соли 2012 бо роҳи фиреб аз мудири як ширкати дигар ба маблағи 796 453 доллари амрикоӣ бензин гирифта, маблағашро то ҳол барнагардонидааст

ДУШАНБЕ, 8 фев. — Sputnik. Мудири ширкати "Седьмой континент"-ро кормандани Вазорати умури дохила ба иттиҳоми қаллобӣ дар ҳаҷми махсусан калон дастгир кардаанд.

Бино бар иттилои манбаъ, мудири ширкат, марди 48-сола, моҳҳои январ-марти соли 2012 бо роҳи фиреб ба боварии директори ҶДММ "Бобоҷон", марди 50-солаи сокини ноҳияи Шаҳринав даромада, аз ӯ ба миқдори 653 663-литр сӯзишвории навъи АИ-92 (бензин)-ро ба маблағи 796 453 доллари амрикоӣ гирифтааст. 

"Сипас, сӯзишвориро фурӯхта 60 000-доллари амрикоиро ба ҶСК "Агроинвестбонк" ҳамчун қарз супорида, боқимонда 736 453-доллари дигарро то ҳол барнагардонидааст", - гуфта мешавад дар иттилои манбаъ.

Аз рӯи ин ҳодиса тафтишот идома дорад.

Лентаи хабарҳо
0