05:00 23 апрели 2019
Пахши мустақим
  • USD9.44
  • EUR10.62
  • RUB0.15
Дуо, акс аз бойгонӣ

Даргузашти Алидод Чароғабдол, китобдори шинохта

© Sputnik / Александр Полегенько
Дар Тоҷикистон
Гирифтани линки кӯтоҳ
144 0 0

Вазорати фарҳанг ва Иттифоқи нависандагони Тоҷикистон имрӯз аз даргузашти Алидод Чароғабдол, адиб ва мудири китобхонаи вилоятии ВМКБ изҳори андуҳ кардаанд

ДУШАНБЕ, 8 фев — Sputnik. Вазорати фарҳанги Тоҷикистон бо нашри як паёми тасаллият ба кулли кормандони шуъбаи фарҳанг ва Китобхонаи вилоятии ба номи Абӯабдуллоҳи Рӯдакии шаҳри Хоруғ бинобар даргузашти бармаҳали мудири китобхонаи мазкур Алидод Чароғабдол изҳори ҳамдардӣ кардааст.

Ато Мирхоҷа, муовини раиси Иттифоқи нависандагони Тоҷикистон бо нашри паёми ҳамдардии раёсати Иттифоқи нависандагони Тоҷикистон, ҳайати таҳрири ҳафтаномаи “Адабиёт ва санъат”, маҷаллаҳои “Садои Шарқ” ва “Памир”  ба пайвандону наздикон Алидод Чароғабдол тасаллият гуфтааст.

“Даргузашти дардноки шоир Алидод Чароғабдоли ҷавонмард, дӯсти абадии ману тамоми аҳли адаб, корманди бахши бадахшонии Иттифоқи нависандагони Тоҷикистон, ҷигарамро пора кард. Роҳи охиратат чун замину осмони зимистонии Бадахшон сафед бод, бародари ба ҷон баробарамон”, - изҳор доштааст Ато Мирхоҷа дар сафҳаи фейсбукияш.

Алидод Чароғабдол, омӯзгор, адиб ва китобдор буд, ки бо ҷоизаҳои давлатӣ, аз ҷумла медали “Хидмати шоиста” қадрдонӣ гардидааст.  

Мавзӯъҳои асосӣ