03:04 11 декабри 2019
Пахши мустақим
  • USD9.69
  • EUR10.74
  • RUB0.15
ДТП, архивное фото

Ҳалокати 4 нафар дар садамаи нақлиётӣ дар ноҳияи Данғара

Пресс-служба МЧС РФ
Дар Тоҷикистон
Гирифтани линки кӯтоҳ
47901

Дар бархурди ду мошин дар шоҳроҳи “Душанбе-Ваҳдат-Кӯлоб”, дар ҳудуди ноҳияи Данғара чаҳор нафар ба ҳалокат расида, ду нафари дигар дар бемористон бистарӣ шуданд

ДУШАНБЕ, 18 фев — Sputnik.  Дафтари матбуоти Вазорати умури дохилаи Тоҷикистон хабар додааст, ки бар асари садамаи нақлиётӣ дар шоҳроҳи “Душанбе-Ваҳдат-Кӯлоб”, дар ҳудуди ноҳияи Данғара чаҳор нафар ба ҳалокат расида, ду нафари дигар дар бемористон бистарӣ шуданд.

Биноӣ бар иттилои манбаъ, рӯзи 17-уми феврали соли равон, ронандаи автомашинаи”ВМВ-3181”, Маҷидов Абдуғаффор Ҳакимович, соли таваллудаш 1972, истиқоматкунандаи ноҳияи Фархор, ҳангоми ҳаракат дар шоҳроҳи “Душанбе-Ваҳдат-Кӯлоб”, дар ҳудуди ноҳияи Данғара, аз самти шаҳри Душанбе ба самти шаҳри Кӯлоб аз ӯҳдаи идораи воситаи нақлиёт набаромада, ба самти муқобили роҳ баромада, ба автомашинаи тамғаи “Мерседес-Бенс”, таҳти идораи шаҳрванд, Холматов Ҷаҳонгир Умурзоқович, соли таваллудаш 1991, сокини деҳаи Гулафшони ноҳияи Данғара, ки аз самти ноҳияи Данғара ба самти шаҳри Норак ҳаракат мекард, бархӯрдааст.

“Дар натиҷа, ронандаҳои воситаҳои нақлиётӣ: Маҷидов А.Ҳ. ва Холматов Ҷ.У. ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд”, - таъкид намудааст манбаъ. 

Инчунин манбаъ қайд намудааст, ки мусофирони дар дохили автомашинаи тамғаи “ВМВ-3181” буда, шаҳрванд Назарова Зебуниссо, соли таваллудаш 1956, истиқоматкунандаи ноҳияи Фархор ва мусофири дар дохили автомашинаи “Мерседес Бенс” буда, шаҳрванд Сулаймонов Илҳом Баротович, соли таваллудаш 1986, истиқоматкунандаи ноҳияи Данғара, дар беморхона ба ҳалокат расидаанд. 

Ҳамчунин мусофири автомашинаи “Мерседес-Бенс” шаҳрванд, Эшмуродов Нурмаҳмад Қулмаҳмадович, соли таваллудаш 1990 ва мусофири автомашинаи “ВМВ-3181” шаҳрванд Азимова Сайлигул Саидовна, соли таваллудаш 1988, ҷароҳатҳои гуногуни ҷисмонӣ бардошта, дар беморхона бистарӣ шудаанд.

Барчаспҳо:
марг, ба ҳалокат расидан, шоҳроҳ, Данғара, садамаи маргбор, садама, Тоҷикистон

Мавзӯъҳои асосӣ