Рӯзи аввали баҳор: обуҳавошиносон борон, барф ва меғро пешгӯӣ карданд

© Sputnik / Владимир Сергеев / Гузариш ба медиабонкДождь, архивное фото
Дождь, архивное фото - Sputnik Тоҷикистон
Обуна шудан
Ожонси обуҳавошиносии Тоҷикистон имрӯз дар ҷумҳурӣ ҳавои абрноку борон ва дар бархе минтақаҳо барфрезию фаромадани меғ, ё худ туманро пешгӯӣ кард

ДУШАНБЕ, 1 мар — Sputnik. Тибқи иттилои Ожонс, имрӯз дар Вилояти Мухтори Кӯҳистони Бадахшон ҳавои абрнок шуда, боридани борон ва барф дар назар аст. Ҳаво дар ғарби вилоят шабона 5-10 дараҷа сард шуда, рӯзона 0-5 дараҷа гарм мешавад. Дар шарқи вилоят ҳаво шабона аз 15-20 то 25- 30 ва рӯзона аз 3-8 то 9-14 дараҷа сард мешавад.

Сход лавины на Пике Ленина - Sputnik Тоҷикистон
Ҳушдори КҲФ дар бораи сардшавии ҳаво ва фаромадани тарма

Дар вилояти Суғд ҳавои абрнок шуда, дар водиҳо ҳавои бебориш дар назар аст. Дар минтақаҳои кӯҳӣ борон ва барф меборад. Шамол аз самти ғарб 3-8 метр дар як сония мевазад. Ҳаво дар водиҳо шабона 1-6 ва рӯзона 10-15 дараҷа гарм мешавад. Дар доманакӯҳҳо ҳаво шабона 4-9 дараҷа сард шуда, рӯзона аз 1 дараҷа хунук то 4 дараҷа гарм мешавад.

Дар вилояти Хатлон ҳавои абрнок шуда, дар водиҳо борон ва дар баландкӯҳҳо борон ва барф меборад. Ҳаво дар водиҳо шабона 4-9 ва рӯзона 13-18 дараҷа гарм мешавад. Дар доманакӯҳҳо ҳаво шабона 1-6 ва рӯзона 5-10 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда, дар водиҳо борон меборад. Дар минтақаҳои кӯҳӣ борон ва барф борида, меғ, ё худ туман мефарояд. Ҳаво дар водиҳо шабона 2-7 ва рӯзона 10-15 дараҷа гарм мешавад. Ҳаво дар кӯҳҳо шабона аз 2-7 то 8- 13 дараҷа сард шуда, рӯзона аз 1 дараҷа хунук то 4 дараҷа гарм мешавад.

Дар шаҳри Душанбе ҳавои абрнок шуда, борони кӯтоҳмуддат меборад. Шамол аз самти ғарб 2-7 метр дар як сония мевазад. Ҳаво шабона 3-5 ва рӯзона 13-15 дараҷа гарм мешавад.

Лентаи хабарҳо
0