Обуҳавошиносон дар бораи ҳавои рӯзи 18 март дар Тоҷикистон

Обуна шудан
Ожонси обуҳавошиносии Тоҷикистон имрӯз дар ҷумҳурӣ ҳавои беборишро пешгӯӣ кардааст

ДУШАНБЕ, 18 мар — Sputnik. Тибқи иттилои Ожонс, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст. Ҳаво дар ғарби вилоят шабона аз 2 дараҷа хунук то 3 дараҷа гарм ва рӯзона 7-12 дараҷа гарм мешавад. Дар шарқи вилоят ҳаво  шабона  13-18 ва рӯзона аз 0-5 то 1-6 дараҷа сард мешавад, хабар додааст “Ховар” аз қавли Ожонс.

Наврӯзӣ дар Ҳисор. Акс аз бойгонӣ - Sputnik Тоҷикистон
Ҷавонони Тоҷикистон пагоҳ ба Ҳисор мераванд, ба наврӯзӣ

Манбаъ афзуд, дар вилояти Суғд  ҳавои тағйирёбандаи бебориш мешавад. Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 6-11 ва рӯзона 20-25 дараҷа гарм мешавад. Дар ноҳияҳои кӯҳӣ ҳаво шабона 0-5 дараҷа сард шуда, рӯзона 5-10 дараҷа гарм мешавад.

Дар вилояти Хатлон ҳавои камабри бебориш мешавад. Ҳаво дар водиҳо шабона 9-14 ва рӯзона 23-28 дараҷа гарм мешавад. Дар доманакӯҳҳо ҳаво шабона 5-10 ва  рӯзона 17-22 дараҷа гарм мешавад.

Дар шаҳру ноҳияҳои тобеи марказ ҳавои тағйирёбандаи бебориш дар назар аст. Ҳаво дар водиҳо шабона 7-12 ва рўзона 18-23 дараҷа гарм мешавад. Дар ноҳияҳои кўҳӣ ҳаво шабона 0-5 дараҷа гарм шуда, дар баъзе ноҳияҳо то 0-5 дараҷа сард мешавад. Рўзона ҳаво 6-11 дараҷа гарм мешавад.

Ҳаво дар шаҳри Душанбе бебориш мешавад. Шамол аз самти шарқ бо суръати 2-7 метр дар як сония мевазад. Ҳаво шабона 9-11 ва рӯзона 21-23 дараҷа гарм мешавад.

Лентаи хабарҳо
0