07:16 24 августи 2019
Пахши мустақим
  • USD9.68
  • EUR10.72
  • RUB0.15
Марде ҳангоми суҳбати телефонӣ, акс аз бойгонӣ

ВУД: аз ҳифзи обрӯй бо баҳои 5,5 ҳазор сомонӣ то 50 га замин ба ивази 30 000 сомонӣ пора

ERIC DRAPER
Дар Тоҷикистон
Гирифтани линки кӯтоҳ
434 0 0

Мақомоти умури дохилии Тоҷикистон аз боздошти марди 24-сола, сокини ноҳияи Мастчоҳ хабар доданд, ки дар тамаъҷӯӣ муттаҳам мешавад

ДУШАНБЕ, 18 мар — Sputnik. Тибқи иттилои Вазорати умури дохилии Тоҷикистон, ҷавони мазкур бо таҳдиди ифшо намудани маълумоти беобрӯкунанда, аз марди 46-сола, сокини ноҳияи Бобоҷон Ғафуров, 5 ҳазору 500-сомониро талаб карда гирифтааст.

ВУД ҷузъиёти ҳодисаро шарҳ надода, афзудааст, ки феълан таҳқиқи парвандаи ҷиноӣ аз рӯи ин ҳодиса идома дорад. Ин ниҳод қаблан аз боздошти тамаъкороне хабар дода буд, ки бо таҳдиди паҳни иттилоъ ё наворҳои маҳрамона аз туъмаҳои худ, ки аксаран занон будаанд, маблағ меситондаанд.

Мақомоти умури дохилӣ инчунин аз боздошти ҷавони дигари 29-сола, сокини шаҳри Душанбе хабар доданд, ки худро корманди Муассисаи давлатии рушди соҳибкорӣ дар соҳаи кишоварзӣ муаррифӣ намуда, аз шаҳрвандон маблағ мегирифтааст.

Ба иттилои манбаъ, аз ҷумла ба идораи милиса дар ноҳияи Синои пойтахт, марди 67-сола, сокини ноҳияи Шаҳринав муроҷиат кардааст, ки  моҳи июли соли 2016 ҷавони мазкур дар кӯчаи Қазоқони шаҳри Душанбе аз ӯ 30 ҳазор сомонӣ гирифта, ваъда додааст, ки аз ҳудуди шаҳри Турсунзода ё Ҳисор 50 гектар замини кишоварзӣ ҷудо карда медиҳад.

Муттаҳам ба ҳамин восита аз зани 44-солаи сокини кӯчаи Н.Ҳувайдуллоеви пойтахт 30 ҳазор сомонӣ гирифта, 50 гектар замин дар ҳудуди шаҳри Турсунзода ё Ҳисор ваъда кардааст, аммо то ҳол маблағҳоро барнагардондааст.

ВУД таъкид кард, ки феълан ҷавони мазкур дар ҳабси пешакӣ қарор дошта, тафтиши парвандаи ҷиноӣ алайҳи ӯ бо иттиҳоми қаллобӣ идома дорад.

Барчаспҳо:
парвандаи ҷиноӣ, боздошт, қаллобӣ, пора, Тоҷикистон

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    3696
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    1055
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    949